عظمیٰ نیوز سروس
سرینگر //اپنی پارٹی صدر الطاف بخاری نے بدھ کے روز کہا کہ بی جے پی، این سی اور پی ڈی پی نے طویل عرصے سے لوگوں کے جذبات سے کھیلا ہے۔ان کی پالیسیوں یا پروگراموں میں صرف ان کے ناموں میں کوئی حقیقی فرق نہیں ہے۔نیشنل کانفرنس کے اختیارات نہ ہونے کے دعوے پر ایک سوال کے جواب میں بخاری نے کہا، “اگر کوئی حکومت کہتی ہے کہ اس کے پاس کچھ نہیں ہے، تو یہ شرم کی بات ہے‘‘۔ بخاری نے کہا ’’ حکومت کے پاس تمام اختیارات ہیں اگر انہیں گورنر کی اجازت کی ضرورت ہو، یہ ان کا مسئلہ ہے،گورنر ڈیوٹی میں سربراہ ہوتا ہے، اور ریاست کا درجہ ان لوگوں کے لیے کبھی رکاوٹ نہیں ہوتا جو سچائی سے کام کرتے ہیں۔”انہوں نے کہا کہ ان کی پارٹی پہلی بار بڈگام میں الیکشن لڑ رہی ہے اور اسے عوام کی بھرپور حمایت کا یقین ہے۔بخاری نے کہا، ہمارے کارکنان پہلے ہی اس حلقے کے 120 میں سے 20 سے زائد دیہات کا احاطہ کرچکے ہیں، اور اللہ کے فضل سے ہمیں اچھے ردعمل کی توقع ہے۔
