عظمیٰ نیوز سروس
حیدرآباد// یکم نومبر سے بینکنگ ضوابط میں کئی بڑی تبدیلیاں کی جارہی ہیں۔ نئے قوانین کے مطابق اب بینکوں کو نامزد شخص کا موبائل نمبر اور ای میل ایڈریس رجسٹر کرنا ہوگا۔ یہ تبدیلی بینک کھاتہ داروں کی رقم کی حفاظت کو یقینی بنائے گی اور کسی بھی ہنگامی صورت حال میں فوری دعوے کے تصفیے میں سہولت فراہم کرے گی۔آر بی آئی کی ہدایات کے مطابق بینکنگ لاز(ترمیمی)ایکٹ 2025 کے تحت، بینکوں کو اب چار نامزد افراد کو شامل کرنے کی اجازت ہوگی۔ ان کی تفصیلات بشمول ای میل ایڈریس اور موبائل فون نمبر بھی لازمی ہوں گے۔ ریزرو بینک نے ہدایت دی ہے کہ ان قوانین کو 2026 سے پہلے لاگو کیا جائے۔نئے قوانین کے مطابق اکائونٹ ہولڈر اب اپنی جمع کردہ رقم خاندان کے علاوہ دوستوں یا افراد کو سونپ سکتے ہیں۔ یہ ان کے اکائونٹس سے پیدا ہونے والے کسی بھی غیر مجاز دعوے یا تنازعات کے فوری حل کی سہولت فراہم کرے گا۔ یہ اصول خاص طور پر ان اکائونٹ ہولڈرز کے لیے مفید ہے جن کے متعدد بینک اکائونٹس ہیں یا جو اپنے فنڈز کی حفاظت کرنا چاہتے ہیں۔یہ قواعد، جو یکم نومبر سے نافذ العمل ہوں گے، اس کا مقصد بینکنگ سیکٹر میں زیادہ شفافیت، جوابدہی اور تحفظ کو یقینی بنانا ہے۔وزارت خزانہ نے ایک بیان میں کہا ہے کہ ان نئی تبدیلیوں سے بینکاری نظام میں شفافیت بڑھے گی اور دعوئوں کے عمل کو آسان بنایا جائے گا۔ مزید برآں، بینک ڈپازٹرز کو اپنے ڈپازٹس پر زیادہ کنٹرول حاصل ہوگا۔
