عظمیٰ نیوز سروس
سری نگر//آرینز ہیلپنگ ہینڈ ہب آف آرینز گروپ آف کالجز، راج پورہ نے آرینس کیمپس میں ایک خصوصی عطیہ نمائش کا اہتمام کیا۔ اس اقدام کا مقصد ضرورت مند اور مستحق طلباء اور عملے کو مفید اشیاء مفت فراہم کرکے ان کی مدد کرنا تھا۔آرینز گروپ آف کالجز کے چیرمین ڈاکٹر انشو کٹاریہ نے کہا کہ یہ کوششیں نہ صرف ضرورت مندوں کی مدد کرتی ہیں بلکہ طلبائمیں ہمدردی، سخاوت اور سماجی ذمہ داری کی اقدار کو بھی فروغ دیتی ہیں۔ڈاکٹر پروین کٹاریہ، ڈائریکٹر جنرل آرینز گروپ نے بتایا کہ یہ ایونٹ سب کے لیے کھلا تھا، اور تمام اشیاء پہلے آئیے، پہلے پائیں کی بنیاد پر مفت تقسیم کی گئیں۔نمائش میں سٹیشنری، کتابیں، کپڑے، جوتے، کراکری اور دیگر ضروری اشیاء سمیت عطیہ کردہ مواد کی ایک وسیع رینج پیش کی گئی۔ تمام عطیات ادارے کے فیکلٹی ممبران، طلباء اور خیر خواہوں سے جمع کیے گئے، جس سے آریائی خاندان کے اندر اشتراک اور ہمدردی کے جذبے کو تقویت ملی۔
