عظمیٰ نیوز سروس
سرینگر// بڈگام اسمبلی حلقہ کے ضمنی انتخاب کے لئے جن 17 امیدواروں کے کاغذات نامزدگی منظور کیے گئے ہیں، ان میں سے 9 کروڑ پتی ہیں، تین پر فوجداری مقدمات ہیں، جب کہ صرف آٹھ نے 12 ویں جماعت پاس کی ہے۔11 نومبر کو ہونے والے ضمنی انتخاب کے لیے 20 امیدواروں نے اپنے کاغذات نامزدگی جمع کرائے، تاہم، 7 آزاد امیدواروں سمیت صرف 17 کے کاغذات نامزدگی قبول کیے گئے۔ان 17 میں سے نیشنل کانفرنس امیدوار آغا سید محمود 15 کروڑ روپے سے زیادہ کے کل اثاثوں کے ساتھ سب سے امیر ہیں۔ایک تاجر اور سابق وزیر مہدی نے بڈگام میں زرعی، تجارتی اور رہائشی جائیدادوں پر مشتمل منقولہ جائیداد میں 28.02 لاکھ روپے اور غیر منقولہ ہولڈنگز میں 15 کروڑ روپے رکھنے کا انکشاف کیا ہے۔69 سالہ شخص پر 97.69 لاکھ روپے ،خاص طور پر جائیداد کے خلاف قرض کی واجبات بھی ہیں، ۔اس نے سال 2024-25 کے لیے داخل کردہ انکم ٹیکس ریٹرن میں 52 لاکھ روپے سے زیادہ کی سالانہ آمدنی بتائی ہے۔اپنی پارٹی کے مختار احمد نے کل 9 کروڑ روپے کے اثاثے اور 6.59 کروڑ روپے کی واجبات کی تصدیق کی ہے۔میدان میں دیگر کروڑ پتی امیدوار، جنہوں نے ایک کروڑ روپے سے زیادہ کے اثاثوں کا ذکر کیا ہے، آزاد امیدوار مختار احمد بٹ، منتظر محی الدین، نذیر خان، ادیتی شرما، اور بی جے پی امیدوار آغا سید محسن، نیشنل پینتھرس پارٹی(بھیم)کے امیدوار فاروق احمد، اور ریپبلکن پارٹی آف انڈیا کے پرویز احمد ہیں۔پی ڈی پی امیدوار آغا سید منتظر مہدی نے صرف بینک ڈیپازٹس کی صورت میں 2.37 لاکھ روپے کے اثاثے ظاہر کیے ہیں۔غیر منقولہ جائیداد کے بغیر، مہدی میدان میں سب سے کم دولت مند امیدواروں میں سے ایک کے طور پر سامنے آئے۔دو امیدواروں کے پاس 1 لاکھ روپے سے کم اثاثے ہیں۔ جبران ڈار، جنہوں نے 60،ہزار روپے نقد اور 5.19 لاکھ روپے واجبات کا ذکر کیا ہے، اور راشٹریہ لوک دل کے منظور احمد، جنہوں نے 30ہزارروپے نقد اور 22 ہزارچار سوروپے واجبات ہیں ۔پانچ امیدواروں نے ماسٹرز یا اس سے زیادہ ڈگریاں کی ہیں، ایک امیدوار مقبول بٹ( آزاد) فلکی طبیعیات میں پی ایچ ڈی کر چکے ہیں۔دو امیدواروں کے پاس انجینئرنگ کی ڈگریاں ہیں، ایک کے پاس ایم بی اے ہے، اور ایک ایل ایل ایم ہے۔تین امیدواروں نے بارہویں جماعت تک، دو نے دسویں جماعت تک اور دو نے آٹھویں جماعت تک تعلیم حاصل کی ہے۔امیدواروں کی اکثریت نے کوئی مجرمانہ ریکارڈ نہ ہونے کی ذکر کیا ہے۔تین امیدواروں کے مقدمات زیر التوا ہیں۔اپنی پارٹی کے احمد کے خلاف دھوکہ دہی کا مقدمہ ہے، بی جے پی کے محسن پر حملہ کرنے اور سرکاری ملازم کو اپنی ڈیوٹی سے روکنے کا مقدمہ ہے، جب کہ آزاد امیدوار جبران ڈار کے خلاف عوامی نمائندگی ایکٹ کی دفعہ 132 کے تحت مقدمہ درج ہے۔بدھ کو کاغذات نامزدگی کی جانچ پڑتال ہوئی۔جمعہ کو کاغذات نامزدگی واپس لینے کا آخری دن ہے۔
