شمالی کمان سربراہ کی ایل جی لداخ سے ملاقات | لیہہ کی موجودہ صورتحال پر تبادلہ خیال

لیہہ// فوج کی شمالی کمان کے جنرل آفیسر کمانڈنگ ان چیف لیفٹیننٹ جنرل پراتیک شرما نے لداخ کےلیفٹیننٹ گورنر کویندر گپتا سے ملاقات کی اور لیہہ کی موجودہ صورتحال پر تبادلہ خیال کیا۔اجلاس میں سلامتی کے مجموعی منظر نامے، خطے میں ابھرتے ہوئے چیلنجز اور امن و استحکام کو برقرار رکھنے کے لیے سول انتظامیہ اور مسلح افواج کے درمیان بہتر تعاون کی ضرورت پر توجہ مرکوز کی گئی، کسی بھی ہنگامی صورتحال سے نمٹنے کے لیے تیاری اور ہم آہنگی کی اہمیت پر زور دیا۔لیفٹیننٹ گورنر نے سرحدوں کی حفاظت اور لوگوں کی حفاظت کو یقینی بنانے میں فوج کے کردار کی تعریف کی، جب کہ جی او سینے یونین ٹیریٹری کی سلامتی اور سالمیت کے لیے فوج کے عزم کا اعادہ کیا۔شمالی فوج کے کمانڈر، جی او سی 14 کور، میجر جنرل دلبیر سنگھ (ایم جی جی ایس ناردرن کمانڈ) اور کرنل وکاس وشیشت (ناردرن آرمی کمانڈر کے ڈپٹی ملٹری ایڈوائزر) میٹنگ میں شامل تھے۔