لداخ میں پارٹی کو بدنام کرنے والوں کے خلاف قانونی کارروائی کی جائے گی: کانگریس

عظمیٰ ویب ڈیسک
نئی دہلی/کانگریس پارٹی نے کہا ہے کہ بھارتیہ جنتا پارٹی (بی جے پی) کے کچھ لیڈر، نیوز چینل کے اینکر اور سوشل میڈیا کے کئی لوگ تشدد میں ملوث کسی شخص کی تصویر غلط طریقے سے پیش کے اسے کانگریسی کونسلر بتاکر پارٹی کو بدنام کرنے کی کوشش کررہے ہیں پارٹی نے اسے سوچی سمجھی سازش کا حصہ قرار دیتے ہوئے کہا کہ یہ سیاسی فائدہ حاصل کرنے کے لیے کانگریس کے خلاف چلائے جارہے پروپیگنڈے کا حصہ ہے، اور اس میں ملوث افراد کے خلاف قانونی کارروائی کی جائے گی۔
کانگریس کے شعبہ مواصلات کے سربراہ جے رام رمیش نے کہا کہ بی جے پی کے کئی لیڈر اور کچھ اینکرز اور سوشل میڈیا پر اثر انداز کرنے والے ایک شخص کی تصاویر اور فوٹیج دکھا رہے ہیں اور اسے کانگریس کے منتخب کونسلر فنٹسوگ اسٹین زن تسپاگ بتاکر اسے غلط طور پر پیش کر رہے ہیں۔انہوں نے کہاہم ان تمام لوگوں کے خلاف قانونی اور فوجداری کارروائی کر رہے ہیں جنہوں نے نہ صرف ہماری پارٹی کو بدنام کرنے کی کوشش کی ہے بلکہ احتجاج کو بھڑکا کر بدامنی اور اختلاف کو ہوا دینے کی بھی کوشش کی ہے۔
کھیڑا نے کہا کہ لداخ کے لوگوں کے تئیں حساسیت ظاہر کرنے کی بجائے بی جے پی اور اس کے میڈیا اور سوشل میڈیا مہم چلانے والے ہمیشہ کی مانند کیچڑ اچھال رہے ہیں اور لداخ میں غصے کا فائدہ اٹھا کر سیاسی مخالفین سے حساب برابر کرنے کا موقع تلاش کر رہے ہیں۔