جموں میں نئے فوجداری قوانین پر تین روزہ نمائش کا افتتاح | نئے فوجداری قوانین کی جانکاری کیلئے ہر ضلع میں ایسی نمائشوں کا انعقاد ہوگا:ڈی جی پی

جموں// ڈائریکٹر جنرل آف پولیس نلین پربھات نے گلشن گراؤنڈ جموں میں مرکزی وزارت داخلہ کی ہدایت پر کرائم برانچ جموں کے زیر اہتمام نئے فوجداری قوانین پر تین روزہ میگا نمائش کا افتتاح کیا۔ڈی جی پی جموں و کشمیر اس موقع پر مہمان خصوصی تھے اور اے ڈی جی پی آرمڈ جموں اینڈ کے آنند جین ، آئی جی پی جموں زون بھیم سین توتی، آئی جی پی کرائم سوجیت کمار سنگھ ،ڈی آئی جی ڈی کے آر رینج شریدر پاٹل،ڈی آئی جی جے ایس کے رینج شیو کمار ، ڈی آئی جی آر پی رینج جموں ڈاکٹر تیجندر سنگھ، ڈی آئی جی آرمڈ جموں اور ڈاکٹر تیجندر سنگھ ،ڈی آئی جی پرسنل مبشر لطیفی،سیشن جج ریٹائرڈ سباش گپتا، ڈائریکٹر ایف ایس ایل گرومکھ سنگھ کے علاوہ ضلعی ایس ایس پیز، سٹاف افسران، پراسیکیوشن کے سینئر افسران، ایس ڈی پی اوز اور دیگر گزیٹڈ افسران بھی موجود تھے۔اپنے خطاب میں ڈائریکٹر جنرل آف پولی نے کہا کہ جموں و کشمیر پولیس جوش و جذبے کے ساتھ زمینی سطح پر نئے فوجداری قوانین کو نافذ کر رہی ہے اور وقت کے ساتھ تفتیش کر رہی ہے۔ ڈی جی پی جموں و کشمیر نے جموں میں عظیم الشان نمائش کے انعقاد کے لیے کرائم برانچ کے کردار کی تعریف کی اور مزید کہا کہ اسی طرح کی نمائشیں ہر ضلع میں منعقد کی جائیں گی تاکہ لوگ نئے فوجداری قوانین کے بارے میں سب کچھ جان سکیں۔ ڈی جی پی نے مزید کہا کہ اس قسم کی ایک بڑی نمائش کے انعقاد کا مقصد عوام میں بیداری پیدا کرنا ہے۔تین روزہ پروگرام کے پہلے دن طلباء اور اسکالرز سمیت لوگوں کی ایک بڑی تعداد نمائش کے مقام پر پہنچی اور نئے فوجداری قوانین کے بارے میں خود کو آگاہ کیا۔ اس قسم کی این سی ایل نمائش پہلی بار جموں میں منعقد کی گئی ہے اور یہ 24ستمبر تک روزانہ صبح 10:00بجے سے شام 5:00بجے تک جاری رہے گی۔ ایس ایس پی بینم توش، نوڈل آفیسر، نے لوگوں کو نمائش میں شرکت کرنے اور نئے فوجداری قوانین کے بارے میں قیمتی معلومات حاصل کرنے کی دعوت دی ہے۔نئے فوجداری قوانین، یعنی بھارتیہ نیا سنہتا (بی این ایس)، بھارتیہ ناگرک تحفظ سنہتا (بی این ایس ایس) اور بھارتیہ ساکشیہ ادھینیم (بی ایس اے) سے متعلق کام کی نمائش کرنے والے مختلف اسٹالز ڈسٹرکٹ پولیس، فارنسک سائنس لیبارٹری ،پولیس کنٹرول روم، خواتین پولس سی آر، سائبر پولس ،پراسیکیوشن، اے این ٹی ایف، سی آئی سی ای، اسپیشل کرائم ونگ (ایس سی ڈبلیو)، کرائم برانچ جموں کا اکنامک آفینس ونگ (ای او ڈبلیو)، جموں و کشمیر محکمہ صحت اور دیگر یونٹس کے ہیں۔