عظمیٰ نیوز سروس
سرینگر//نوجوانوں کی انٹرپرینیورشپ پروان چڑھانے اور مالی شمولیت کو فروغ دینے کیلئے حکومت کے مشن یوا پروگرام کو آگے بڑھاتے ہوئے جموں کشمیربینک نے متعدد اضلاع میںکئی پروگرام منعقد کئے۔ ان تقریبات کا مقصد خواہشمند کاروباری افراد کو کریڈٹ کے مواقع سے جوڑنا اور مقامی سطح پر مستفید ہونے والوں کو نئے منظوری خطوط کے حوالے کرنا تھا۔مشن کے تحت بینک نے 3202کاروباری معاملات کو منظور کیا ہے اور یو ٹی میں 1398معاملات میں فنڈز تقسیم کیے ہیں، جو نوجوان کاروباریوں کی حمایت میں مسلسل پیش رفت کا مظاہرہ کرتے ہیں۔ایسا ہی ایک پروگرام پلوامہ میں منعقد ہوا، جس کی صدارت جنرل منیجر سید رئیس مقبول نے کی۔ کامیاب درخواست گزاروں میں درجنوں نئے منظوری آرڈر تقسیم کیے گئے۔رئیس مقبول نے کہا’’مشن یووا مالیاتی رسائی سے زیادہ کے بارے میں ہے – یہ ہمارے نوجوانوں میں خود اعتمادی پیدا کرنے کے بارے میں ہے۔ انہیں باضابطہ بینکنگ، انٹرپرینیورشپ سپورٹ اور ضروری سوشل سیکورٹی کوریج سے جوڑ کر، ہم ان کے طویل مدتی بااختیار بنانے کی راہ ہموار کر رہے ہیں‘‘۔رام بن میں اسی طرح کی ایک تقریب DLICنے Udyami YUVA ڈے منایا۔ ڈپٹی کمشنر محمد الیاس خان نے بینک کے جنرل منیجر راجیش گپتا اور ضلع انتظامیہ کے اعلی عہدیداروں کے ساتھ باضابطہ طور پر مستحقین میں منظوری خطوط تقسیم کئے۔ڈپٹی کمشنر نے کہا’’میں حکومت کے ساتھ شراکت میں مشن یووا چلانے کے لیے جے اینڈ کے بینک کی تعریف کرتا ہوں۔ اس طرح کے اقدامات روزگار کے پروگراموں کی فوری اور موثر فراہمی کو یقینی بناتے ہیں، ایسے مواقع پیدا کرتے ہیں جہاں ان کی سب سے زیادہ ضرورت ہے‘‘۔جنرل منیجر راجیش گپتا نے کہا’’نوجوانوں کا ردعمل متاثر کن رہا ہے۔ مشن YUVA کاروباری خیالات کو حقیقت میں بدلنے میں مدد کے لیے بروقت کریڈٹ اور اہم ہینڈ ہولڈنگ فراہم کر رہا ہے‘‘۔ ادھم پور میں جنرل منیجر راکیش مگوترا، سینئر سرکاری افسران کے ساتھ پروگرام کی قیادت کی۔گاندربل میں ایک متوازی پروگرام کی سربراہی جنرل منیجر اور CRO الطاف حسین کیرا نے کی۔ اسی طرح استفادہ کنندگان کو نئے منظوری کے خطوط بھی پہنچائے گئے۔
