عظمیٰ نیوز سروس
چندی گڑھ//آرینز گروپ آف کالجز، راج پورہ، چندی گڑھ نے اپنے اورینٹیشن ویک کے حصے کے طور پر ایک انٹرایکٹو سیشن کا اہتمام کیا، جہاں منجولا سولریا، سی ای او، لائف اسکلز کوچ اور ڈائریکٹر، پرسانچیتاس فاؤنڈیشن نے نئے داخل ہونے والے طلباء سے “Building One’s Academic Identity” کے عنوان پرخطاب کیا۔سولریا نے ایک مضبوط علمی شناخت کو فروغ دینے کی اہمیت پر زور دیا جو ذاتی اقدار، طاقتوں اور مستقبل کی امنگوں سے ہم آہنگ ہو۔ انہوں نے طالب علموں کی رہنمائی کی کہ کس طرح تعلیمی شناخت نہ صرف ان کے سیکھنے کے سفر کی تشکیل کرتی ہے بلکہ اعتماد، لچک اور زندگی میں مقصد کے احساس کو بڑھانے میں بھی مدد کرتی ہے۔ڈاکٹر انشو کٹاریہ، چیرمین، آرینس گروپ آف کالجز نے کہا کہ آریئنز میں اورینٹیشن ویک طلباء کو ذاتی ترقی، تعلیمی فضیلت اور کیریئر کی تیاری پر سیشن پیش کر کے کالج کی زندگی میں آسانی سے منتقلی میں مدد کرنے کے لیے ڈیزائن کیا گیا ہے۔
