کہا جموں۔پونچھ ریلوے لائن پروجیکٹ ٹھکرایاگیا،ریاسی ۔راجوری پونچھ لائن لائن پرزوردونگا
سمت بھارگو
راجوری//اننت ناگ راجوری لوک سبھا حلقہ سے ممبر پارلیمنٹ میاں الطاف احمد نے بے روزگاری کو اس وقت جموں و کشمیر کا سب سے بڑا چیلنج قرار دیا ہے۔انہوں نے جموں و کشمیر حکومت پر زور دیا کہ وہ نوجوانوں میں بڑھتی ہوئی بے روزگاری کو دور کرنے کے لیے فوری اور ٹھوس اقدامات کرے۔ممبر پارلیمنٹ راجوری میں اپنے دورہ کے دوران ایک تقریب کے موقع پر میڈیا سے خطاب کر رہے تھے۔پڑھے لکھے لیکن بے روزگار نوجوانوں میں بڑھتی ہوئی مایوسی کو اجاگر کرتے ہوئے میاں الطاف نے کہا کہ روزگار کے متلاشیوں کی تعداد میں روز بروز اضافہ ہو رہا ہے جبکہ بھرتی مہم نہ ہونے سے صورتحال مزید خراب ہو رہی ہے۔ایم پی نے کہا، “حکومت کو فوری طور پر کام کرنا چاہیے۔ جموں و کشمیر کے مختلف محکموں میں بڑی تعداد میں آسامیاں ہیں۔ بے روزگار نوجوانوں کو ریلیف دینے اور بے روزگاری کے مسئلے سے نمٹنے کے لیے ان عہدوں کو بغیر کسی تاخیر کے پُر کیا جانا چاہیے۔”انہوں نے مزید کہا کہ حکومت کے ساتھ بے روزگاری کے مسئلہ پر بات چیت کریں اور اس سے نمٹنے کی کوششوں پر زور دیں۔ممبر پارلیمنٹ (ایم پی)، اننت ناگ راجوری حلقہ، میاں الطاف احمد نے ریاسی – راجوری پونچھ ریلوے لائن کے نئے پروجیکٹ کے لئے دباؤ ڈالتے ہوئے کہا کہ حکومت نے جموں – راجوری پونچھ لائن کو مسترد کر دیا ہے۔انکاکہناتھا’بھاری لاگت (خرچ)، ناقص فزیبلٹی خصوصیات کی وجہ سے، حکومت نے اس ریلوے لائن (جموں – راجوری پونچھ) کے مجوزہ منصوبے کو ٹھکرا دیا ہے جس کے لیے ایک بار سروے بھی کیا گیا تھا‘‘۔انہوں نے مزید کہا کہ ایک نئی ریلوے لائن ریاسی راجوری پونچھ کے لئے ایک اچھا امکان ہے جو زیادہ قابل عمل اور تعمیر کرنا آسان ہے۔انکاکہناتھا’’میں ہوں اور میں اس ریلوے لائن کی مانگ کے لیے دباؤ ڈالوں گا جیسا کہ اس کی راجوری اور پونچھ کے علاقے کے لیے ضرورت ہے اور یہ ہمارے جوانوں کے لیے بہت فائدہ مند ثابت ہوگی‘‘۔
