۔ 95لاکھ سیاحوں کی آمد:وزارت سیاحت
نئی دہلی// حکومت کے ذریعہ شیئر کردہ اعداد و شمار کے مطابق، اس سال جنوری سے جون کے دوران جموں اور کشمیر کے گھریلو سیاحوں کے دوروں کے اعداد و شمار 95 لاکھ سے زیادہ تھے۔مرکزی وزیر سیاحت گجیندر سنگھ شیخاوت نے ایک سوال کے تحریری جواب میں اعداد و شمار کا اشتراک کیا کہ آیا مرکز پہلگام میں حالیہ حملے کے بعد سیاحتی موسم کے دوران جموں و کشمیر میں سیاحوں کی تعداد میں کمی اور کاروباری نقصانات سے واقف ہے۔ شیخاوت نے کہا، “وزارت سیاحت کی طرف سے جموں اور کشمیر میں مقامی سیاحت پر منحصر سٹیک ہولڈرز پر اقتصادی اثرات کے بارے میں ایسا کوئی اندازہ نہیں لگایا گیا ہے” ۔اپنے جواب میں، انہوں نے 2020 سے 2025 تک ملکی سیاحوں کے دوروں (DTVs) اور غیر ملکی سیاحوں کے دوروں (FTVs) کے لیے سال وارڈیٹا شیئر کیا۔یہ اعداد و شمار ریاست کے محکمہ سیاحت نے فراہم کیے ہیں۔ جموں و کشمیر کے محکمہ سیاحت سے موصول ہونے والی تازہ ترین معلومات کی بنیاد پر، DTVs اور FTVs کی تعداد 2025 کے جنوری تا جون کے دوران بالترتیب 95,92,664 اور 19,570 رہی۔پچھلے چار سالوں کے لیے مقامی سیاحوں کی تعداد (سال 2024 کے لیے 2,35,24,629)، کیلئے2023کیلئے( 2,06,79,336 )(2022 میں 184,99,332 )، 1,13,14,920 (2021) اور 25,19,524 (2020)مقامی سیاح آئے تھے۔پچھلے چار برسوں میں غیر ملکی سیاحوں میں سے65,452 سال 2024 کے لیے، 55,337 (2023) میں، 19,985 میں(2022)، 1,650 (2021 میں)اور 5,317 سیاح2020، اور 2025 کے جنوری تا جون کی مدت کے لیے یہ تعداد 19,570 رہی۔شیخاوت نے کہا کہ سیاحت کی وزارت نے جموں و کشمیر سمیت ملک میں سیاحت کے شعبے کو فروغ دینے کے لیے کئی اقدامات کیے ہیں۔
