عظمیٰ نیوز سروس
سرینگر //ضلع سرینگر یوگاسنا سپورٹس ایسوسی ایشن، جے اینڈ کے یوگاسنا سپورٹس ایسوسی ایشن اور یوگاسنا بھارت کے زیراہتمام 6ویں ضلع سرینگر یوگاسنا اسپورٹس چمپئن شپ 2025 کا اعلان کیا ہے، جو 29 اور 30 جولائی کوکشمیر انڈور سپورٹس کمپلیکس، سرینگر میں منعقد ہوگی۔ اس تقریب کو سپورٹس کونسل نے سپانسر کیا ہے۔اس چمپئن شپ میں مختلف عمر کے 150 سے زیادہ ایتھلیٹس کی شرکت ہوگی، جو یوگاسنا کے متعدد اقسام میں حصہ لیں گے، جن میں روایتی یوگاسنا، آرٹسٹک، تال اور پانچ انفرادی ایونٹس شامل ہیں۔ ٹورنامنٹ کا مقصد یوگاسنا کے ثقافتی جوہر اور مسابقتی جذبے کو ظاہر کرنا ہے، جبکہ نوجوانوں کو جسمانی تندرستی، ذہنی تندرستی اور نظم و ضبط کو اپنانے کی ترغیب دینا ہے۔تعلیمی اداروں، کلبوں اور کھیلوں کی تنظیموں کو مدعو کیا جاتا ہے کہ وہ اپنے یوگاسنا کے کھلاڑیوں کو شرکت کے لیے بھیجیں۔ داخلہ جمع کرانے کی آخری تاریخ 28 جولائی 2025 ہے۔
