کرگل وجے دیوس: ہمارے بہادر جوانوں کی قربانیاں ہمیں متاثر کرتی رہیں گی: وزیراعظم

عظمیٰ ویب ڈیسک
نئی دہلی/کارگل وجے دیوس پر وزیر اعظم نریندر مودی نے آج ان بہادر فوجیوں کو خراج عقیدت پیش کیا جنہوں نے 1999 کی کارگل جنگ میں اپنی جانیں قربان کی تھیں۔وزیر اعظم نے اس دن کو ہندوستان کے بہادر سپاہیوں کے بے مثال حوصلے اور ناقابل تسخیر جذبے کی یاد دہانی کا دن قرار دیا جنہوں نے بلند ترین چوٹیوں پر ملک کے وقار کا دفاع کیا۔
سوشل میڈیا پلیٹ فارم ’ایکس‘ پر ایک پوسٹ میں، مودی نے کہا، ’’کارگل وجے دیوس پر ہم وطنوں کو دل کی گہرائیوں سے مبارکباد! یہ موقع ہمیں بھارت ماتا کے ان بہادر بیٹوں کے بے مثال حوصلے اور بہادری کی یاد دلاتا ہے جنہوں نے قوم کے وقار کی حفاظت کے لیے اپنی زندگی وقف کر دی۔ مادرِ وطن کے لیے سب کچھ قربان کرنے کا اُن کا جذبہ ہر نسل کو ترغیب دیتا رہے گا۔جئے ہند!‘‘
26 ویں کارگل وجے دیوس کے موقع پر، پورا ہندوستان ان بہادر سپاہیوں کو یاد کرنے اور ان کو خراج عقیدت پیش کرنے کے لیے اکٹھا ہوتا ہے جنہوں نے 1999 میں بے مثال حوصلے اور عزم کے ساتھ کارگل کی چوٹیوں پر دوبارہ فتح حاصل کی تھی۔