عظمیٰ نیوز سروس
ڈھاکہ// بنگلہ دیش میں فوجی طیارہ اسکول پر گر کر تباہ ہونے سے اموات کی تعدادستائیس ہوگئی۔ عبوری حکومت کے اعلان پر بنگلہ دیش میں یوم سوگ منایا گیاہے ۔تفصیلات کے مطابق بنگلہ دیش میں فوجی طیارہ اسکول پر گر کر تباہ ہونے سے اموات کی تعداد ستائیس ہوگئی اور 171 زخمی ہے ، جان بحق اور زخمیوں میں زیادہ تر نوجوان طلبا شامل ہیں۔ترجمان فوج نے بتایا کہ طیارے میں ٹیک آف کے فوری بعد تیکنکی مسئلہ ہوا، پائلٹ نے طیارے کو آبادی سے دور لے جانے کی بھر پور کوشش کی لیکن کامیاب نہ ہوسکا تاہم حادثے کی تحقیقات کے لیے کمیٹی بنا دی گئی ہے ۔گزشتہ روز بنگلہ دیش فضائی کو تربیتی طیارہ ایف سیون جیٹ ڈھاکہ کے اٹارا علاقہ میں کالج کی اس عمارت پر گرا گیا تھا، حادثے کے وقت کیمپس میں طلبا کی بڑی تعداد موجود تھی۔طیارہ چھٹی کے عین وقت گرکرتباہ ہوا، طیارہ گرنے سے زور دار دھماکہ ہوا اورعمارت میں آگ لگ گئی اور فوراً بعد فضا میں دھوئیں کے بادل چھا گئے ۔سوشل میڈیا پر گردش کرتی ویڈیوز میں دکھایا گیا کہ متاثرہ عمارت کی دیواریں شعلوں کی لپیٹ میں آگئیں، لوگ چیخ و پکار کرتے ادھر ادھر بھاگ رہے تھے ۔
