یو این آئی
روم// اٹلی کے جزیرے سسلی سے روانہ ہونے والے خصوصی جہاز پر غزہ کے بچوں کے لیے خصوصی امدادی سامان کے ہمراہ سماجی کارکن سوار ہیں، اس جہاز کو حنظلہ کا نام دیا گیا ہے ، اس قبل امداد لے جانے والے جہاز اسرائیل نے روک لیا تھا۔عرب میڈیا کے مطابق اطالوی جزیرے سسلی سے روانہ ہونے والے بحری جہاز جس کو حنظلہ کا نام دیا گیا ہے فریڈم فلوٹیلا نامی تنظیم کی ایک اور کوشش ہے ، اس قبل بھی امدادی سامان لے جانے کی کوشش کرنے والے جہاز کوروک کر اسرائیل نے عملے کو جلا وطن کردیا تھا۔یہ جہاز بنیادی طور پر ایک پرانا فشنگ ٹرالر ہے جس کا تعلق ناروے سے ہے ، اس جہاز پر غزہ کے بچوں کے لیے ، خوراک، میڈیکل اعلات اور ادویات لادی گئی ہیں۔بتاتے چلیں حنظلہ (Handala) کی روانگی سے 6 ماہ قبل میڈیلن نامی جہاز جس پر معروف سماجی کارکن گریٹا تھن برگ سوار تھیں غزہ کے ساحل سے 185 کلومیٹر دور اسرائیلی حکام نے روک لیا تھا۔اس مشن میں شامل فرانسیسی سیاسی جماعت ایل ایف آئی کی رکن گیبریلا کتھالا نے بتایا کہ ‘اس مشن کا مقصد غزہ کے محصور بچوں کے لیے آواز اٹھانا ہے ’۔
