عظمیٰ نیوز سروس
نیروبی// کینیا کے دارالحکومت نیروبی میں حکومت مخالف مظاہروں میں 11 افراد ہلاک اور درجنوں زخمی ہوگئے ۔بین الاقوامی میڈیا کی رپورٹ کے مطابق کینیا میں تاریخی جمہوریت حامی مارچ کے 35 برس مکمل ہونے پر مظاہرے کیے گئے ۔رپورٹ میں بتایا گیا کہ پولیس نے مظاہرین پر لاٹھی چارج کیا اور انہیں منتشر کرنے کے لیے فائرنگ، آنسو گیس کی شیلنگ اور واٹر کیننز کا استعمال کیا گیا۔رپورٹ کے مطابق حکومت مخالف مظاہروں میں ہلاک ہونے والوں کی تعداد 11 ہوگئی ہے ۔رپورٹ میں مزید بتایا گیا کہ گزشتہ ماہ پولیس کی حراست میں بلاگر البرٹ اوجوانگ کی موت نے تاریخی جمہوریت حامی مارچ کو نئی تحریک دی اور حکام کے خلاف غصے کو ہوا دی ہے جس کے بعد سیکڑوں افراد سڑکوں پر نکل آئے ۔نیروبی کے مضافاتی علاقے کے ایگل نرسنگ ہوم نے میڈیا کو بتایا کہ 6 افراد کو زخمی حالت میں داخل کروایا گیا تھا جبکہ 2 ایسے افراد کی لاشیں بھی لائی گئی تھیں جن کی موت گولی لگنے سے ہوئی تھی۔ دوسری جانب کینیاٹا نیشنل اسپتال کے ایک ذرائع نے میڈیا کو بتایا کہ اس وقت اسپتال میں 24 زخمی زیرِ علاج ہیں۔
