یواین آئی
میامی/گونزالو گارسیا کے دوسرے ہاف میں ہیڈر سے کیے گئے گول کی بدولت رئیل میڈرڈ نے منگل کو جوئینٹس پر 0-1 سے فتح حاصل کی، جس سے اسپینش ٹیم فیفا کلب ورلڈ کپ کے کوارٹر فائنل میں پہنچ گئی۔رئیل میڈرڈ کو 54ویں منٹ میں کامیابی ملی، جب ٹرینٹ ایلیگزینڈر-آرنلڈ نے دائیں جانب سے درست کراس دیا، جس سے گارسیا نے قریبی رینج سے گول کیا۔ 21 سالہ کھلاڑی کے نام اب چار ٹورنامنٹ میچوں میں تین گول اور ایک اسسٹ ہے ۔جووینٹس نے اپنی ابتدائی لائن اپ میں چھ تبدیلیاں کیں، جن میں کینان یلدز، فرانسسکو کونسیکاؤ، اور رینڈل کولو موانی نے نکولس گونزالیز، ٹیون کوپمائنرز، اور دوشان ولہووک کی جگہ لی۔رئیل میڈرڈ نے اسٹار فارورڈ کیلیان ایمباپے کا خیرمقدم کیا، جنہیں گیسٹرواینٹرائٹس کی وجہ سے گروپ اسٹیج سے باہر ہونے کے بعد بطور متبادل نامزد کیا گیا تھا۔میڈرڈ نے گیندپر کنٹرول رکھا، لیکن جوئنٹس نے شاندار مواقع بنائے ۔ یلڈز نے ایک پاس روکا اور مڈفیلڈ سے آگے بڑھ کر کولو موانی کو گول کرنے کا موقع دیا، لیکن فرانسیسی فارورڈ نے اپنی کوشش کو بار کے اوپر اٹھا دیا۔ یلڈز نے چند منٹ بعد دوبارہ کوشش کی اورایک ڈیفلیکٹڈ شاٹ کے ساتھ کارنر حاصل کیا۔جوڈ بیلنگھم نے 29ویں منٹ میں میڈرڈ کے لیے اسکورنگ کا موقع بنایا، لیکن جووینٹس کے گول کیپر مائیکل ڈی گریگوریو نے ایلیگزینڈر-آرنلڈ کے کٹ بیک سے انہیں روکنے کے لیے ریفلیکٹ سیو کیا۔ ڈی گریگوریو نے ہاف ٹائم سے عین قبل فیڈریکو ویلوارڈے کو روکنے کے لیے ایک اور قریبی رینج اسٹاپ کے ساتھ اپنی ٹیم کو میچ میں برقرار رکھا۔بریک کے بعد اطالوی گول کیپر نے اپنی شاندار کارکردگی جاری رکھی، بیلنگھم اور ڈین ہیوجین دونوں کی کوششوں کو ناکام بنایا، لیکن آخر کار گارسیا کے فیصلہ کن ہیڈر سے ہار گئے ۔ گارسیا نے 68ویں منٹ میں ایمباپے کے لیے جگہ بنائی، جنہوں نے کلب ورلڈ کپ میں ڈیبیو کیا۔ ڈی گریگوریو کے آخری لمحات میں کیے گئے بچاؤنے جووینٹس کو مقابلے میں برقرار رکھا، لیکن سیری اے کی ٹیم میڈرڈ کے نظم و ضبط والے دفاع کے خلاف برابری کا گول نہ کر سکی۔رئیل میڈرڈ کا مقابلہ ہفتہ کو نیویارک میں ہونے والے کوارٹر فائنل میں بوروسیا ڈورٹمنڈ یا مونٹیری سے ہوگا۔
