عظمیٰ نیوز سروس
سرینگر// ٹریفک پولیس ہیڈکوارٹر جموں و کشمیر نے آنے والی یاترا کیلئے ٹریفک کی نقل و حرکت کو منظم کرنے کیلئے ایک تفصیلی ایڈوائزری جاری کی ہے۔ محکمہ ٹریفک کی طرف سے جاری کردہ ایڈوائزری کے مطابق یاترا کے قافلوں، غیر قافلہ یاتریوں اور جموں اور وادی کشمیر کے درمیان چلنے والی سیاحوں کی گاڑیوں کے لیے سخت کٹ آف ٹائمنگ طے کیا گیا ہے۔ اس اقدام کا مقصد سالانہ یاترا کے محفوظ اور بہتر انعقاد کو یقینی بنانا ہے۔اس شیڈول میں جموں سے بالہ تل تک آخری گاڑی کو صبح 4:00بجے نویگ ٹنل قاضی گنڈ اور صبح 10بجے پر لامبر بانہال سے بالہ تل کے حدود کو عبور کرنا ہوگا۔منی گام گاندربل سے بالہ تل تک شام 5:00بجے اور بالہ تل سے واپس آنے والے قافلوں کیلئے آخری گاڑی کو صبح 6:00بجے تک بالہ تل بیس کیمپ سے نکلنا ہوگا۔ پہلگام کے راستے کیلئے جموں سے پہلگام تک، گاڑیوں کو میر بازار شام 4:00بجے اورلامبر بانہال سے پہلگام تک صبح 11:30بجے عبور کرنا ہوگا۔ تمام غیر قافلہ یاتری اور سیاح صبح 7:00بجے سے شام 6:00 بجے کے درمیان سفر کر سکتے ہیں۔ایڈوائزری کے مطابق شام 6بجے کے بعد یاتریوں کو نقل و حرکت کی اجازت نہیں ہوگی۔ یاتریوں یا سیاحوں کی کسی بھی گاڑی جو کٹ آف ٹائم کے بعد چلتی ہوئی پائی جائے گی اسے سکیورٹی فورسز کے ذریعہ روک دیا جائے گا اور اسے قریبی کیمپ میں بھیج دیا جائے گا۔دریں اثناء اہم پابندیوں میں یہ بھی شامل ہے کہ مقررہ اوقات کے بعد بالہ تل، پہلگام، سونمرگ یا گلمرگ کے راستوں سے سرینگر کی طرف کسی یاتری یا سیاحتی گاڑی کو جانے کی اجازت نہیں ہوگی۔ اسی طرح صبح 10:00بجے کے بعد سرینگر سے گلمرگ کی طرف ٹریفک کی نقل و حرکت کی اجازت نہیں ہوگی۔ وہیں جموں نگروٹہ اور ادھم پور جکھینی میں کٹ آف ٹائم کو سختی سے نافذ کیا جائے گا۔یاتریوں سے کہا گیا ہے کہ کسی بھی مدد کیلئے ٹریفک کنٹرول یونٹ جموں سے 0191-245904، سرینگر0194-2450022،ٹی سی یو رام بن 6005820617،ٹی سی یو ادھم پور: 9419993745 اوراور جنرل ہیلپ لائن نمبر 7298515191پر رابطہ کر سکتے ہیں۔
