سب کو فوری طور پر تہران خالی کر دینا چاہیے: ڈونلڈ ٹرمپ

عظمیٰ ویب ڈیسک
واشنگٹن/امریکی صدر ڈونلڈ ٹرمپ نے منگل کو ’فوری طورپر تہران خالی کرنے‘ پر زور دیتے ہوئے کہا ہے کہ ایران کو ان کے تجویز کردہ ’معاہدے‘ پر دستخط کر لینے چاہیے تھے۔ڈونلڈ ٹرمپ نے منگل کو اپنے ٹروتھ سوشل اکاؤنٹ پر لکھا: ’ایران کو اس ’معاہدے‘ پر دستخط کر لینے چاہیے تھے جس پر میں نے انہیں دستخط کرنے کو کہا تھا۔ کتنی شرم کی بات ہے اور انسانی زندگی کا ضیاع۔ سیدھے الفاظ میں ایران جوہری ہتھیار نہیں رکھ سکتا۔ میں بار بار یہ کہ چکا ہوں۔‘
ساتھ ہی انہوں نے ایرانی شہریوں پر زور دیتے ہوئے لکھا: ’سب کو فوری طور پر تہران کو خالی کر دینا چاہیے۔‘ڈونلڈ ٹرمپ نے اپنی ایک اور پوسٹ میں لکھا: ’سب سے پہلے امریکہ کا مطلب بہت سی عظیم چیزیں ہیں، بشمول یہ حقیقت کہ ایران کے پاس جوہری ہتھیار نہیں ہو سکتا۔ امریکہ کو پھر سے عظیم بنائیں!‘