یاترا اور یاتریوںکیلئے اٹھائے گئے اقدامات پر تبادلہ خیال
سرینگر// 3جولائی کو شروع ہونے والی 38 روزہ امرناتھ یاترا سے قبل لیفٹیننٹ گورنر منوج سنہا نے جمعہ کو راج بھون میں تیاریوں کا جائزہ لینے کے لیے ایک اعلیٰ سطحی میٹنگ کی صدارت کی۔ میٹنگ میں فوج، نیم فوجی دستوں اور پولیس کے اعلیٰ افسران نے شرکت کی جن میں پولیس کے ڈائریکٹر جنرل نلین پربھات، چیف سکریٹری اتلڈلو، ڈویژنل کمشنر کشمیر، وی کے بیدھوری اور انتظامیہ کے دیگر اعلیٰ افسران بھی موجود تھے۔ میٹنگ میں سیکورٹی اور دیگر تیاریوں پر تبادلہ خیال کیا گیا جو یاترا کے کامیاب انعقاد کو یقینی بنانے کے لئے رکھی گئی ہیں۔ایل جی نے سیکورٹی ایجنسیوں کے اعلیٰ عہدیداروں سے کہا کہ وہ اس بات کو یقینی بنائیں کہ سالانہ یاترا شروع ہونے سے پہلے تمام انتظامات ٹھیک طریقے سے ہونے چاہئیں،۔انہوں نے کہا، “افسروں نے لیفٹیننٹ گورنر کو یاترا اور یاتریوں کی سہولت کے لیے اٹھائے گئے اقدامات کے بارے میں آگاہ کیا۔”اس ہفتے کے شروع میں ایل جی نے اس سال سالانہ یاترا کے رسمی آغاز کے موقع پر امرناتھ غارپر پرتھم پوجا کی۔ انہوں نے یاتریوں کو یقین دلایا کہ یاترا کے لیے فول پروف حفاظتی انتظامات کیے گئے ہیں اور زائرین پر زور دیا کہ وہ بڑی تعداد میںگھپا کی درشن کریں۔ایل جی سنہا نے کہا، “پرتھم پوجا اختتام پذیر ہوئی،میں عقیدت مندوں سے اس یاترا کے لیے بڑی تعداد میں آنے کی درخواست کرتا ہوں جو 3 جولائی کو شروع ہوگی اور 9 اگست کو رکھشا بندھن پر اختتام پذیر ہوگی‘‘۔
