عظمیٰ نیوز سروس
سرینگر// جموں میں جہاں ہفتے کو گرمی کی لہر برقرار رہی وہیں کشمیر میں سہ پہر سے درجہ حرارت میں کمی آئی، جس سے گرمی کی لہر سے کچھ راحت مل گئی۔محکمہ موسمیات نے 15 جون تک خطے کے بیشتر حصوں میں بنیادی طور پر خشک موسمی حالات کی نشاندہی کی ہے، حالانکہ چند الگ تھلگ علاقوں میں گرج چمک کے ساتھ بارش ہوسکتی ہے۔16 اور 17 جون کے درمیان، موسم زیادہ تر خشک رہنے کا امکان ہے، کچھ علاقوں میں گرج چمک کے ساتھ بارش کا امکان ہے، خاص طور پر جموں خطے میں، جو حالیہ ہفتوں میں شدید گرمی کا مشاہدہ کر رہا ہے۔18 سے 19 جون تک، خشک موسم دوبارہ غالب رہنے کی توقع ہے، حالانکہ ایک یا دو مقامات پر ہلکی بارش کو مسترد نہیں کیا جا سکتا۔دریں اثنا، وادی کشمیر میں جمعہ کو خشک اور گرم موسم برقرار رہا، حالانکہ گزشتہ روز کے مقابلے درجہ حرارت میں معمولی کمی واقع ہوئی تھی۔ موسمیاتی مرکز سرینگر کے مطابق سرینگر میں زیادہ سے زیادہ درجہ حرارت 32.4 ڈگری سینٹی گریڈ ریکارڈ کیا گیا ۔یہ جمعرات کوجھلسنے والے 34.2 درج کرنے کے ایک دن بعد ہوا ہے ۔ قاضی گنڈ میں 32.8 ،پہلگام میں 28.2 ، کپوارہ میں 31.9 اورگلمرگ میں 23.0 ڈگری سینٹی گریڈ درج کیا گیا ۔کشمیر میں جمعرات کی رات بھی گرم رہی، کم از کم درجہ حرارت وادی کے بیشتر حصوں میں معمول سے 25 ڈگری زیادہ رہا۔جموں خطہ میں میدانی علاقوں کو شدید گرمی نے اپنی لپیٹ میں لے لیا۔ جموں شہر کا درجہ حرارت 43.6 ڈگری سینٹی گریڈ ریکارڈ کیا گیا۔ کٹرا میں 39.5 جبکہ بٹوٹ، بھدرواہ، اور بانہال میں بالترتیب 31.6 ، 30.8 ، اور 31.8 ریکارڈ کیا گیا۔ یہ سب معمول سے کافی زیادہ ہے۔مرکز کے زیر انتظام علاقے لداخ میں لیہہ میں زیادہ سے زیادہ درجہ حرارت 27.0 ڈگری سینٹی گریڈ ریکارڈ کیا گیا ۔
