عظمیٰ نیوز سروس
نئی دہلی// وزارت صحت اور خاندانی بہبود کے مطابق2 جون بروز پیر صبح 8 بجے تک ہندوستان میں فعال کوویڈکیسز کی تعداد 3,961 تھی۔جبکہ اتوار کی صبح تک یہ تعداد 3000کے قریب درج کی گئی ہے۔اس طرح 24 گھنٹوں میں 1000کیسوں کا اضافہ ہوا۔ اس سال جنوری سے ملک میں مجموعی طور پر کویڈاموات بڑھ کر 32 ہو گئی ہیں۔ اتوار کو چار امواتیں ہوئیں۔سرکاری اعداد و شمار کے مطابق، اتوار کے بعد سے فعال کیسوں کی تعداد میں 203 نئے کیسز شامل کیے گئے۔دہلی، تمل ناڈو، مہاراشٹرا اور کیرالہ میں اتوار کے بعد سے ہر ایک ریاست مین کوویڈ سے ایک موت ہوئی۔دہلی میں 47مزید کوویڈ 19 کیس رپورٹ ہوئے، جس سے دارالحکومت میں کل فعال کیسز کی تعداد 483 ہوگئی۔کیرالہ میں، فعال کیسز بڑھ کر 1,435 ہو گئے۔اتوار کے بعد سے 35 نئے کیس رپورٹ ہوئے۔ مہاراشٹر میں، 21 نئے کیس رپورٹ ہوئے، جس سے فعال کیسوں کی تعداد 506 ہوگئی۔مغربی بنگال میں، 44 نئے کیس رپورٹ ہوئے، جس سے ریاست کے فعال کیسز کی تعداد بڑھ کر 331 ہوگئی۔جموں و کشمیر میں 7کیسز رپورٹ ہوئے ہیں اور پیر کو شام دیر گئے ان میں کوئی اضافہ نہیں ہوا تھا۔
