عظمیٰ نیوز سروس
سرینگر//جموں و کشمیر کے سرحدی اضلاع میں آج موک ڈرل(شہری دفاعی مشق)کے لیے رہنما خطوط جاری کیے ہیں، جسے “آپریشنل شیلڈ” کا نام دیا گیا ہے اور مشق کو کامیاب بنانے کے لیے عام لوگوں سے تعاون کی درخواست کی گئی ہے۔سول ڈیفنس کے اسسٹنٹ ڈائریکٹر جنرل امیش شرما نے ایک بیان میں کہ: ” درخواست کی جاتی ہے کہ 31 مئی کو شام 5 بجے سول ڈیفنس ایکسرسائز ‘آپریشن شیلڈ’ کی منصوبہ بندی کریں اور مقامی سہولت کے مطابق صحیح وقت تمام مقامی انتظامیہ اور اسٹیک ہولڈرز کو شامل کر کے اس کا اہتمام کریں ۔پبلک نوٹس میں کہا گیا ہے کہ عام لوگوں کو مطلع کیا گیاہے کہ 31 مئی 2025 کو شام 8:00 سے 8:15 تک ہنگامی تیاریوں اور حفاظتی تربیت کے ایک حصے کے طور پر ایک موک بلیک آئوٹ ڈرل کا انعقاد کیا جائے گا۔اس مشق کا مقصد شہریوں کو بلیک آئوٹ یا بحرانی صورتحال کے دوران ہنگامی ردعمل کے پروٹوکول سے واقف کرانا اور عوام اور انتظامیہ کی تیاری کا جائزہ لینا ہے۔عوام کو مشورہ دیا جاتا ہے کہ ڈرل کے دوران ان ہدایات پر سختی سے عمل کریں۔ رات 8:00 بجے سائرن بجنے کے فوراً بعد تمام لائٹس اور روشنی کے ذرائع ((انورٹر لائٹس، سولر لائٹس، ٹارچ، موبائل لائٹس، گاڑی کی لائٹس وغیرہ) بند کردیں۔روشنی کے اخراج کو روکنے کے لیے کھڑکیوں پر پردے کھینچیں۔ تمام کاروباری سرگرمیاں، گاڑیوں کی نقل و حرکت، اور معمول کے کاموں کو 15 منٹ کی مدت کے لیے روکنا چاہیے۔مشق کے دوران تمام ہنگامی خدمات اور اہم دیکھ بھال کی سہولیات فعال رہیں گی۔
