ملک ملی ٹینسی کے خلاف جنگ میں متحد:وزیر اعظم مودی
گنگٹوک//وزیر اعظم نریندر مودی نے جمعرات کو کہا کہ پہلگام میں گزشتہ ماہ ہونے والا حملہ ہندوستان کی روح اور اتحاد پر حملہ تھا، اور اس کے بعد آپریشن سندور دہشت گردوں کو ایک “فیصلہ کن جواب” تھا۔انہوں نے زور دے کر کہا کہ ملک دہشت گردی کے خلاف اپنی جنگ میں متحد ہے۔ انہوں نے مزید کہا کہ ہندوستان نے بھرپور جواب دیا اور پاکستان میں دہشت گردی کے بنیادی ڈھانچے اور کئی ایئربیس کو تباہ کر دیا۔پہلگام حملے کو مذہبی خطوط پر ہندوستان میں دراڑ پیدا کرنے کی ایک “دانستہ کوشش” قرار دیتے ہوئے مودی نے کہا، “ہم نے واضح پیغام دیا کہ دہشت گردی کے حملے کے باوجود ہندوستان متحد ہے جس نے ہماری کچھ بہنوں کے سندور کو مٹا دیا۔انہوں نے کہا” پہلگام میں دہشت گردوں نے جو کچھ کیا وہ انسانیت پر حملہ تھا، اور اب ہم دہشت گردی کے خلاف جنگ میں متحد ہیں،” ۔وزیر اعظم نے کئی بنیادی ڈھانچے کے منصوبوں کا افتتاح کیا اور کئی دیگر کا سنگ بنیاد رکھا۔
