نئی دہلی/عظمیٰ نیوز سروس/ وزارت صحت اور خاندانی بہبود نے کہا کہ ہندوستان نے پیر کو ملک میں کل 1,009 فعال COVID-19 کیس رپورٹ کیے۔ وزارت صحت کے مطابق، ہندوستان کی COVID-19 اپ ڈیٹ نے کل 1009 ایکٹیو کیسز دکھائے ہیں، جن میں حال ہی میں 752 نئے کیسز کی تصدیق ہوئی ہے۔سرکاری اعداد و شمار کے مطابق، کیرالہ اس وقت سب سے زیادہ 430 فعال کیسوں کے ساتھ چارٹ میں سرفہرست ہے۔قابل ذکر کیسوں کی گنتی والی دیگر ریاستوں میں مہاراشٹر (209)، دہلی (104)، گجرات (83)، اور کرناٹک (47) شامل ہیں۔ اس سے قبل، ایک 21 سالہ کوویڈ 19 مریض جو تھانے مہارشٹرا کے چھترپتی شیواجی مہاراج کلوہسپتال میں زیر علاج تھا، مثبت جانچ کے بعد اس کی موت ہوگئی۔سرکاری ذرائع کے مطابق، ہفتہ کے روز مرکزی صحت سکریٹری پنیا سلیلا سریواستو نے متعدد ریاستوں میں، خاص طور پر کیرالہ، تمل ناڈو، مہاراشٹر، کرناٹک وغیرہ سے رپورٹ کیے گئے COVID-19 کیسز کے حوالے سے معاملے کا جائزہ لیا۔یہ مشاہدہ کیا گیا ہے کہ ان میں سے زیادہ تر معاملات ہلکے اور گھریلو نگہداشت کے تحت ہیں۔ مرکزی وزارت صحت کے مطابق، رپورٹ کیے گئے زیادہ تر COVID کیس ہلکے تھے اور انہیں اسپتال میں داخل ہونے کی ضرورت نہیں تھی۔
COVID-19 ملک میں سرگرم کیسز 1000تک پہنچ گئے
