عظمیٰ نیوز سروس
سرینگر//نیشنل ٹیکنالوجی ڈے کے موقع پرشیخ العالم میموریل، جی ڈی سی بڈگام کے ادارے کی انوویشن کونسل (IIC) نے “انسپائرنگ انوویشن اور انٹرپرینیورئل سفر” کے عنوان سے ایک پروگرام کا انعقاد کیا۔ تقریب کا مقصد تخلیقی صلاحیتوں کو اجاگر کرنا، مسائل کے حل کی حوصلہ افزائی کرنا اور طلباء اور نوجوان پیشہ ور افراد میں کاروباری ذہنیت کو فروغ دینا تھا۔ کنوینر IIC ڈاکٹر غزالہ انجم نے ترقی پذیر تعلیمی اور پیشہ ورانہ دنیا میں جدت طرازی کی اہمیت پر زور دیا۔ میزبان کالج کے پرنسپل ڈاکٹرمحمدامین ملک نے مسابقتی جاب مارکیٹ میں روزگار کے حصول کے لیے آئیڈیا کی تخلیق اور اختراع کی اہمیت پر زور یادڈائریکٹر JKEDI نے JKEDI کی طرف سے پیش کردہ کلیدی مداخلتوں، اجزاء، اور تربیتی پروگراموں کا خاکہ پیش کیا۔ڈائریکٹر انچارج NIELIT نے صنعت سے منسلک ہونے اور صنعت پر مبنی کورسز، جیسے کہ ال، کوانٹم کمپیوٹنگ، کلاؤڈ کمپیوٹنگ، بلاک چین، اور سائبر سیکیورٹی کی فراہمی پر اپنی توجہ کو بھی اجاگر کیا، ایک پائیدار مستقبل کی تعمیر میں ان کے کردار پر زور دیا۔
