یو این آئی
نئی دہلی//ہند وپاکستان کشیدگی کے پیش نظر حکومت ہندنے 32ہوائی اڈوں کو شہری پروازوں کیلئے 15مئی تک بند کیا۔ان میں سے بیشتر ہوئی اڈے شمالی ہند کے مختلف شہروں میں ہے اور اس سے ہردن درجنوں پروازیں متاثر ہوئی ہیں جس سے لوگوں کو سفرکرنے میں مشکلات کا سامنا کرنا پڑ رہاہے ۔اس کے پیش نظر حکومت نے خصوصی ٹرینیں چلانے کا فیصلہ کیاہے ۔جن ہوائی اڈوں کو بندکیاگیاہے ان میں ہنڈن، سرینگر، چنڈی گڑھ، جودھ پور، راجکوٹ اور بھج سمیت 32 ہوائی اڈوں پر شہری ہوا بازی کی سرگرمیاں 15مئی تک بند کرنے کا حکم دیا ہے۔شہری ہوا بازی کی وزارت نے ہفتہ کو یہاں کہا کہ ایئرپورٹس اتھارٹی آف انڈیا (اے اے آئی)اور اس سے منسلک ہوابازی کے افسران نے آپریشنل وجوہات کی بنا پر شمالی اور مغربی ہندوستان کے 32ہوائی اڈوں کو 7سے 15 مئی 2025تک تمام شہری پروازوں کیلئے بند کرنے کا اعلان کیا ہے۔وزارت نے کہا کہ نوٹس ٹو ایئر مین (نوٹم)کے مطابق ان میں ادھم پور، امبالہ، امرتسر، اونتی پور، بھٹنڈہ، بھج، بیکانیر، چنڈی گڑھ، ہلوارہ، ہنڈن، جیسلمیر، جموں، جام نگر، جودھ پور، کانڈلا، کانگڑا، کیشود، کشن گڑھ، کلو منالی، لیہہ، لدھیانہ، مندرا، نالیہ، پٹھان کوٹ، پٹیالہ پور بندر ، راجکوٹ ، سرواسا، شملہ، سری نگر، تھوئس اور اترلائی شامل ہیں۔وزارت نے کہا ہے کہ ان تمام ہوائی اڈوں پر تمام شہری پروازیں 15مئی تک بند رہیں گی۔ایئر لائنز اور فلائٹ آپریٹرز کو مشورہ دیا گیا ہے کہ وہ موجودہ ایئر ٹریفک ایڈوائزری کے مطابق متبادل روٹنگ کی منصوبہ بندی کریں۔
