عظمیٰ نیوز سروس
سرینگر// ہندوستانی فوج نے جمعرات کی رات جموں و کشمیر میں لائن آف کنٹرول کے ساتھ کچھ مقامات پر پاکستانی فوج کی فائرنگ کا مثبت جواب دیا۔ فوجی ذرائع نے بتایاکہ کسی جانی نقصان کی کوئی اطلاع نہیں ہے۔پاکستانی فوج کی طرف سے گولی باری پہلگام دہشت گردانہ حملے پر دونوں فریقوں کے درمیان بڑھتی ہوئی کشیدگی کے درمیان سامنے آئی ہے جس میں 26 شہری مارے گئے تھے۔ذرائع نے بتایا، پاکستان کی جانب سے شروع کی گئی لائن آف کنٹرول پر کچھ مقامات پر چھوٹے ہتھیاروں سے فائرنگ کے واقعات پیش آئے۔اس نے کہا”فائرنگ کا موثر جواب دیا گیا،” ۔
