عظمیٰ نیوز سروس
واشنگٹن//امریکہ کی تقریباً 100یونیورسٹیز، کالجز سمیت تعلیمی اداروں کے صدور نے امریکی صدر ڈونالڈ ٹرمپ کی پالیسیوں کی مشترکہ بیان میں مذمت کی ہے۔بین الاقوامی میڈیا کے مطابق امریکی اکیڈمک لیڈرز کی جانب سے جاری ہونے والے بیان میں کہا گیا ہے کہ امریکی حکومت کی مداخلت اب امریکی اعلیٰ تعلیم کو خطرے میں ڈال رہی ہے۔بیان میں کہا گیا ہے کہ تعمیری اصلاحات کیلئے تیار ہیں، حکومت کی جائز نگرانی کی مخالفت نہیں کرتے۔امریکی اکیڈمک لیڈرز کی جانب سے جاری ہونے والے بیان پر پرنسٹن، بران، یونی ورسٹی آف ہوائی، کنیکٹی کٹ کالج اور دیگر یونی ورسٹیز و کالجز کے صدور کے دستخط ہیں۔دوسری جانب وائٹ ہاوس نے تعلیمی اداروں کے سربراہان کے اس مشترکہ بیان پر ردِعمل دینے سے گریز کیا ہے۔
