پی ایچ ای ڈیلی ویجرز نے وزیر کی یقین دہانی کے بعد ہڑتال ختم کر دی: حکام

عظمیٰ ویب ڈیسک
سرینگر/پبلک ہیلتھ انجینئرنگ کے ڈیلی ویجرز نے جل شکتی وزیر جاوید احمد رانا سے کامیاب مذاکرات کے بعد اپنی ہڑتال ختم کر دی ہے۔ وزیر نے یقین دلایا کہ حکومت ان کے جائز مسائل کو مرحلہ وار حل کرنے کے لیے پرعزم ہے۔
ترجمان نے کہامذاکرات کے دوران، ڈیلی ویجرز کے نمائندوں نے اپنے مطالبات پیش کیے اور خدشات کا اظہار کیا، جنہیں وزیر نے تسلیم کیا۔ انہوں نے مزدوروں کی شکایات کے ازالے کے لیے قائم کردہ کمیٹی سے رابطہ کرنے کی ترغیب دی۔
ترجمان نے مزید کہاوزیر رانا نے مختلف محکموں میں ڈیلی ویجرز کی قیمتی خدمات کو بھی تسلیم کیا اور انہیں یقین دلایا کہ ان کے مسائل کو سنجیدگی سے لیا جا رہا ہے،۔
انہوں نے کہا کہ حکومت ڈیلی ویجرز کو درپیش مسائل کے منصفانہ اور پائیدار حل کے لیے کام کر رہی ہے۔