بارہمولہ اور کھٹوعہ ہلاکتیں انتہائی افسوسناک ،ایسا نہیں ہونا چاہیے تھا: وزیر اعلیٰ عمر عبد اللہ

عظمیٰ ویب ڈیسک
سرینگر //بلاور اور بارہمولہ کے واقعات افسوسناک ہیں اور ایسا نہیں ہونا چاہیے تھا کی بات کرتے ہوئے وزیر اعلیٰ عمر عبداللہ نے کہا کہ میں نے ان واقعات کو مرکزی حکومت کے ساتھ اٹھایا ہے اور اس بات پر اصرار کیا ہے کہ دونوں واقعات کی انکوائری مقررہ وقت میں، شفاف طریقے سے کی جائے۔ انہوں نے مزید کہا کہ جموں و کشمیر میں حکومت بھی اپنی انکوائری کا حکم دے گی۔
وزیر اعلیٰ عمر عبد اللہ نے بلاور اور بارہمولہ کے واقعات پر افسوس کا اظہار کرتے ہوئے کہا کہ دونوں واقعات کو مرکز کے ساتھ اٹھایا ہے ۔ ایکس پر ایک پوسٹ میںعمر عبد اللہ نے لکھا ’’ بلاور میں پولیس کی حراست میں مکھن دین کے ضرورت سے زیادہ طاقت کے استعمال اور ہراساں کیے جانے کی رپورٹیں دیکھی ہیں جس کی وجہ سے اس کی خودکشی ہوئی اور وسیم احمد ملہ کی موت، ایسے حالات میں فوج کی طرف سے گولی مار دی گئی جو پوری طرح واضح نہیں ہے‘‘۔
انہوں نے کہا کہ یہ دونوں واقعات انتہائی افسوسناک ہیں اور ایسا نہیں ہونا چاہیے تھا۔انہوں نے لکھا ’’جموں و کشمیر مقامی آبادی کے تعاون اور شراکت کے بغیر کبھی بھی مکمل طور پر حالات معمول پر نہیں آسکتا اور دہشت گردی سے پاک نہیں ہو سکتا۔ اس طرح کے واقعات ان لوگوں کو الگ کر دیتے ہیں جنہیں مکمل معمول پر لانے کیلئے ہمیں اپنے ساتھ لے جانے کی ضرورت ہے۔
عمر عبد اللہ نے کہا’’میں نے ان واقعات کو مرکزی حکومت کے ساتھ اٹھایا ہے اور اس بات پر اصرار کیا ہے کہ دونوں واقعات کی انکوائری مقررہ وقت میں، شفاف طریقے سے کی جائے۔ جموں و کشمیر میں حکومت بھی اپنی انکوائری کا حکم دے گی۔