جموں و کشمیر میں تاریخی ووٹر ٹرن آؤٹ جمہوری اقدار پر عوام کے پختہ یقین کا اظہار: ایل جی سنہا

جموں// جموں و کشمیر کے لیفٹیننٹ گورنر منوج سنہا نے ہفتے کے روز 15ویں نیشنل ووٹرز ڈے کی تقریب میں شرکت کی، جس میں انہوں نے کہا کہ یونین ٹریٹری میں گزشتہ سال ہونے والے لوک سبھا اور اسمبلی انتخابات میں تاریخی ووٹر ٹرن آؤٹ جموری اقدار پر عوام کے پختہ یقین کو ظاہر کرتا ہے۔
سنہا نے چیف الیکٹورل آفیسر جموں و کشمیر اور ان کی ٹیم کو الیکشن کمیشن آف انڈیا سے “بہترین کارکردگی دکھانے والی ریاست/یوٹی ایوارڈ” کے اعزاز پر مبارکباد دی۔
انہوں نے جموں و کشمیر کے عوام، نیشنل الیکشن کمیشن اور الیکشن ڈیپارٹمنٹ کے افسران، پولیس، سیکیورٹی فورسز، حکام اور تمام شراکت داروں کا شکریہ ادا کیا، جنہوں نے گزشتہ سال لوک سبھا اور جمو و کشمیر اسمبلی انتخابات کو منصفانہ، شفاف اور کامیابی کے ساتھ منعقد کرنے میں اہم کردار ادا کیا۔
ایل جی سنہا نے مزید کہا، “لوک سبھا اور اسمبلی انتخابات میں تاریخی ووٹر ٹرن آؤٹ جموں و کشمیر کے عوام کے جموری اقدار پر مضبوط ایمان اور شہری شرکت کے تجدیدی جذبے اور ایک نئے دور کی امید کی غمازی کرتا ہے، جہاں جموری اقدار زیادہ گہرائی سے جڑ رہی ہیں، یہ سب عوام کی خواہش کی بنیاد پر ہو رہا ہے”۔
سنہا نے الیکشن کمیشن آف انڈیا کی قیمتی کوششوں کا ذکر کرتے ہوئے کہا کہ ان کی باریک بینی سے کی جانے والی منصوبہ بندی اور مسلسل نگرانی نے اس بار جموں و کشمیر میں انتخابات کو ہموار اور آسان بنایا، اور کہیں پر بھی دوبارہ انتخابات نہیں ہوئے۔
تمام سیاسی جماعتوں نے متفقہ طور پر کہا کہ یہ جموں و کشمیر میں سب سے زیادہ منصفانہ، شفاف، پرامن اور شاندار انتخابات تھے۔
انہوں نے کہا، “ہماری ثقافتی روایات جموری اقدار کی اہمیت پر زور دیتی ہیں، جن میں آزادی، مساوات اور شمولیت شامل ہیں اور یہ اپنے شہریوں کو ایک معیاری اور باعزت زندگی گزارنے کا موقع فراہم کرتی ہیں۔ ہمارے ملک میں عوام کی خواہش ایک قدیم تصور ہے اور اسی وجہ سے بھارت کو ‘جمہوریت کی ماں’ کہا جاتا ہے”۔
انہوں نے کہا کہ اس سال کے نیشنل ووٹرز ڈے کا موضوع “کچھ بھی ووٹنگ جیسے نہیں، میں یقیناً ووٹ کروں گا” ہر ووٹ کی طاقت کو اجاگر کرتا ہے اور یہ کہ ووٹنگ تمام رکاوٹوں کو عبور کرتی ہے، جو ووٹنگ کے حقوق کی اصل روح کو ظاہر کرتا ہے۔
منوج سنہا نے کہا، “بھارتی جموری ایک اجتماعی طاقت، امن اور تعاون کی ایک تہوار شکل ہے۔ بھارت چند ایک ممالک میں سے ہے جہاں جموڑی اقدار سب سے زیادہ مضبوط اور اولین ہیں”۔
انہوں نے کہا، “مجھے فخر ہے کہ آج دنیا کے کئی ممالک بھارت سے منصفانہ اور شفاف انتخابات کے انعقاد کے طریقے سیکھ رہے ہیں”۔
سنہا نے چیف الیکٹورل آفس کے افسران کی تعریف کی جنہوں نے انتخابات کے لیے ووٹرز کی فہرست کی تیاری، 89 لاکھ ووٹرز کی فہرست کی تشکیل اور 11,838 پولنگ سٹیشنوں پر شفاف ووٹنگ کو یقینی بنانے کے لیے محنت کی۔
ایل جی نے زور دیا کہ آگاہی کی مہموں کو جاری رکھا جانا چاہیے تاکہ معاشرے کے تمام طبقوں کو ان کے ووٹ کی طاقت سے آگاہ کیا جا سکے۔
انہوں نے کہا کہ نیشنل ووٹرز ڈے کا سب سے بڑا مقصد نوجوانوں کو ووٹنگ کے عمل میں حصہ لینے کے لیے تحریک دینا ہے۔
لیفٹیننٹ گورنر نے اس موقع پر ڈپٹی کمشنر، ڈوڈہ ہرویندر سنگھ، اور ایس ایس پی پلوامہ پی ڈی نیتیا کو بہترین انتخابی طریقوں کے لیے ایوارڈز دیے۔
ایل جی نے اس موقع پر “ڈیموکریسی آن ویل” نامی موبائل گاڑی کو روانہ کیا، جو طلباء کو ووٹنگ اور انتخابی عمل کی اہمیت سے آگاہ کرنے کے لیے ایک نیا طریقہ کار ثابت ہوگا۔
انہوں نے یہاں ایک علاقائی ای وی ایم گودام کا افتتاح کیا اور حال ہی میں رجسٹرڈ ووٹرز کی بھی ستائش کی۔