عظمیٰ نیوز سروس
سرینگر//ڈائریکٹر ہینڈی کرافٹس اینڈ ہینڈ لوم کشمیر مسرت اسلام نے جموں و کشمیر میں خواتین کاریگروں کو بااِختیار بنانے کی سمت میں ایک اہم قدم اُٹھاتے ہوئے سری نگر کے نور باغ علاقے میں نور آری کرافٹس پروڈیوسر کمپنی کی خواتین مالکان میں شیئر سرٹیفکیٹ تقسیم کئے۔جہلم اینڈ توی فلڈ ریکوری پروجیکٹ (جے ٹی ایف آر پی) کے تحت 2020 میں قائم کیا گیا نور آری کرافٹس نہ صرف دیرپامعاش کو فروغ دیتا ہے بلکہ خطے میں خواتین کی مضبوطی اور کاروباری جذبے کو بھی اُجاگر کرتا ہے۔پروڈیوسر کمپنی کو حکومت جموںوکشمیر کی طرف سے شروع کردہ عالمی بینک کے تعاون سے بحالی کے منصوبے کے ایک حصے کے طور پر تشکیل دیا گیا تھا۔ کمپنی مکمل طور پر خواتین کے زیر اِنتظام ہے جو علاقے میں خواتین کو بااِختیار بنانے کی ایک طاقتور علامت کے طور پر کام کرتی ہے۔ڈائریکٹر کاروباری صلاحیت کو زیادہ سے زیادہ کرنے کے لئے ڈیزائنوں کو متنوع اور جدید بنانے کی اہمیت پر زور دیا۔تقریب کا اِختتام نور آری کرافٹس کی ہاتھ سے تیار کردہ عمدہ اور شاندارمصنوعات کی نمائش کے ساتھ ہوا جس میں کشمیری دستکاری کی شاندار روایت اور اس کی خواتین کاریگروں کے تخلیقی صلاحیتوںکو اُجاگر کیا گیا۔ یہ اَقدام جموں و کشمیر کی خواتین کے لئے بڑے خواب دیکھنے اور اَپنی پوری صلاحیت کو بروئے کار لانے کے لئے ایک تحریک اور ترغیب کے طور پر کام کرتا ہے۔
