یو این آئی
یروشلم//اسرائیل کی فوج نے ایک بیان میں کہا کہ شمالی غزہ پٹی میں ہفتہ کے روز چار اسرائیلی فوجی ہلاک ہو گئے۔اسرائیل کے سرکاری نشریاتی ادارے نے اطلاع دی ہے کہ بیت حنون شہر میں فوجی گاڑی میں سوار ہونے کے دوران نہال بریگیڈ کے تین جوان اور ایک فوجی ڈرائیور دھماکہ خیز آلے کے دھماکے سے مارے گئے۔فوج کے مطابق اس واقعے میں بریگیڈ کا ایک افسر اور ایک سپاہی بھی شدید زخمی ہوگئے۔ یہ واقعہ اس وقت پیش آیا جب بارش ہو رہی تھی اور حد بصارت نسبتاً کم تھی۔انہوں نے مزید کہا کہ آئی ڈی ایف اس بات کی تحقیقات کر رہا ہے کہ آیا حماس کے عسکریت پسندوں نے اس دوران جنگجوں پر فائرنگ کی تھی۔ایک ٹی وی چینل نے بتایا کہ آئی ڈی ایف فورسز بیت حنون کے علاقے میں تقریبا دو ہفتوں سے کام کر رہی ہیں، اور اندازے کے مطابق فوجی سرگرمیاں، بالخصوص عسکریت پسندوں اور زیر زمین سرنگوں کا پتہ لگانے کے لیے آئندہ چند ہفتوں میں مکمل ہو جائیں گی۔
