مینڈھر سڑک حادثے میں دو جونیئر انجینئرز سمیت تین افراد زخمی

مینڈھر// پونچھ ضلع کے مینڈھر علاقے میں او پی ہل گراؤنڈ کے نزدیک ایک سڑک حادثے میں دو جونیئر انجینئرز سمیت تین افراد زخمی ہوگئے۔
مقامی ذرائع نے بتایا کہ یہ حادثہ ایک موٹر سائیکل اور ٹاٹا سوومو کی ٹکر سے پیش آیا۔ اس حادثے میں تین افراد زخمی ہوئے، جنہیں سب ڈسٹرکٹ ہسپتال مندھار منتقل کیا گیا۔
زخمیوں کی شناخت اَکشِت شرما (28) جونیئر انجینئر، ولد انیل کمار ساکن جموں، امیر خان (26) جونیئر انجینئر، ولد حسین ساکن اڑی سڑوتی مینڈھر اور روبی کوثر (27) زوجہ طارق حسین ساکن کالابان کے طور پر ہوئی ہے۔
میڈیکل آفیسر ایس ڈی ایچ مینڈھر ڈاکٹر جاوید اقبال نے اس واقعے کی تصدیق کرتے ہوئے کہا کہ ہسپتال میں تین زخمی افراد لائے گئے ہیں، جن میں سے ایک زخمی امیر خان کو جی ایم سی راجوری منتقل کیا گیا ہے۔