کشتواڑ حادثے میں نوجوان ہلاک، دو زخمی

کشتواڑ// کشتواڑ کے درابشالہ علاقے میں ایک سڑک حادثے کے دوران ایک نوجوان ہلاک ہو گیا جبکہ دو دیگر افراد زخمی ہو گئے۔
سرکاری ذرائع نے بتایا کہ حادثے میں 14 سالہ سہیل حسین، ولد جاوید احمد، شدید زخمی ہو گیا تھا، جسے گورنمنٹ میڈیکل کالج (GMC) ڈوڈہ منتقل کیا گیا، لیکن وہ زخموں کی تاب نہ لاتے ہوئے چل بسا۔
ذرائع کے مطابق، دیگر دو زخمی افراد کو بھی GMC ڈوڈہ میں داخل کرایا گیا ہے، جہاں ان کا علاج جاری ہے۔ تاہم، زخمیوں کی شناخت ابھی ظاہر نہیں کی گئی ہے۔
پولیس نے معاملے کی تحقیقات شروع کر دی ہیں۔