عظمیٰ نیوز ڈیسک
ڈھاکہ//بنگلا دیش کی عدالت کی جانب سے جلاوطن سابق وزیر اعظم حسینہ واجد کے خلاف دوسری بار وارنٹ گرفتاری جاری کر دی گئی۔چیف پرازیکیوٹر کے مطابق بنگلا دیش کی عدالت نے جبری گمشدگیوں میں مبینہ طور پر ملوث ہونے پر حسینہ واجد کے وارنٹ گرفتاری جاری کئے ہیں۔ اس سے پہلے انسانیت کے خلاف جرائم کے الزام میں حسینہ واجد کے وارنٹ جاری ہو چکے ہیں۔ذرائع کے مطابق شیخ حسینہ واجد کے 15سالہ دورِ اقتدار میں انسانی حقوق کی وسیع پیمانے پر خلاف ورزیاں ہوئیں جن میں سیاسی مخالفین کی بڑے پیمانے پر حراست اور ماورائے عدالت قتل شامل ہیں۔بنگلا دیش کی عدالت نے شیخ حسینہ اور 11دیگر افراد کے خلاف وارنٹ جاری کیے ہیں جن میں ان کے فوجی مشیر، فوجی اہلکار اور دیگر قانون نافذ کرنے والے افسران شامل ہیں۔
