یواین آئی
اجمیر// عالمی شہرت یافتہ صوفی بزرگ خواجہ معین الدین حسن چشتی کا 813 واں عرس راجستھان کے اجمیر میں شروع ہوتے ہی خواجہ صاحب کی درگاہ پر چادر چڑھانے کا سلسلہ شروع ہو گیا ہے۔عرس کے آغاز کے ساتھ ہی زائرین کی بھیڑ جمع ہونا شروع ہو گئی ہے اور اس کی بڑی تعداد درگاہ شریف اجمیر پہنچنا شروع ہو گئی ہے۔ جس کی وجہ سے اجمیر کی خوبصورتی میں اضافہ ہوا ہے۔ لوک جن شکتی پارٹی کے قومی صدر اور مرکزی وزیر چراغ پاسوان کی جانب سے چادر پیش کی گئی۔ پارٹی کے قومی جنرل سکریٹری محمد صابر خان پاسوان کی طرف سے چادر لے کر درگاہ پہنچے اور مقدس درگاہ پر چادر چڑھائی اور ملک میں امن کی دعا کی۔عرس کے موقع پر اداکار سبودھ گلاٹی، ثمر پسریچہ اور شالین ملہوترا نے بھی درگاہ کے نظام گیٹ سے بارات کے ساتھ چادر لی اور خواجہ صاحب کی درگاہ پر چڑھائی۔ انہوں نے ملک میں امن اور خوشحالی کے لیے دعا کی۔ اس دوران ان فنکاروں نے ملک اور فلم انڈسٹری کی ترقی کے لیے دعائیں کیں۔باہمی بھائی چارے اور ہم آہنگی کی علامت خواجہ معین الدین چشتی کی درگاہ کے عرس کے موقع پر ہر سال لاکھوں کی تعداد میں عقیدت مند اجمیر پہنچتے ہیں، جس میں پڑوسی ملک پاکستان سے بھی ایک گروپ درگاہ پر حاضری کے لیے آتا ہے۔اس موقع پر پولیس اور انتظامیہ کی جانب سے عرس کے دوران سکیورٹی اور تمام ضروری سہولیات اور انتظامات کے مکمل انتظامات کیے گئے ہیں اور پولیس کی پوری نفری کو بھی تعینات کیا گیا ہے۔
