لندن میں دھند کے باعث بیشتر پروازوں کا شیڈول متاثر

لندن/عظمیٰ نیوز ڈیسک/شدید دھند کے باعث لندن کے ایئرپورٹس پر پروازوں کا شیڈول متاثر ہوا ہے، ہیتھرو اور گیٹ وک ایئرپورٹس پر متعدد پروازیں منسوخ اور تاخیر کا شکار ہیں۔خبر رساں اداروں کے مطابق برطانیہ میں مسافروں کو ائیرپورٹ آنے سے قبل پرواز کا شیڈول چیک کرنے اور گاڑیاں چلانے والے افراد کو بھی احتیاط برتنے کا مشورہ دیا گیا ہے۔ہیتھرو ایئرپورٹ سے ہفتے کو 20پروازیں منسوخ اور 29تاخیر کا شکار ہوئیں، گیٹ وک سے 26پروازیں تاخیر کا شکار اور ایک منسوخ ہوئی ہے۔