عظمیٰ نیوز سروس
پونچھ//ڈپٹی کمشنر وکاس کنڈل کی صدارت میں مشن یووا یووا ادھیامی وکاس ابھیان کے نفاذ کے سلسلے میں ایک میٹنگ منعقد ہوئی جس میں تمام متعلقہ اسٹیک ہولڈرز نے شرکت کی۔اس بحث میں مشن کی مؤثر تکمیل، افرادی قوت کی شناخت، تعیناتی اور تربیت کے لئے حکمت عملیوں اور اسٹیک ہولڈر محکموں اور تنظیموں کے درمیان موثر ہم آہنگی اور تعاون کو یقینی بنانے پر توجہ مرکوز کی گئی۔مشن کے مقاصد کو مؤثر طریقے سے پورا کرنے کو یقینی بنانے کے لئے محکموں کے لیے اہم ایکشن پوائنٹس، ٹائم لائنز، اور کرداروں کا خاکہ پیش کیا گیا۔میٹنگ کا بنیادی مقصد موجودہ اور ممکنہ کاروباری افراد کے بیس لائن سروے کرنے کے دائرہ کار، طریقہ کار اور ٹائم لائن پر تبادلہ خیال کرنا تھا جس کا مقصد ضلع میں مختلف پیرامیٹرز پر ضروری ڈیٹا اکٹھا کرنا ہے۔ یہ سروے مستقبل کے ترقیاتی منصوبوں کی منصوبہ بندی اور نفاذ کے لئے ایک بنیاد کے طور پر کام کرے گا۔اجلاس میں اس بات کو یقینی بنانے پر بھی توجہ مرکوز کی گئی کہ سروے باخبر فیصلہ سازی کی رہنمائی کے لیے درست اور جامع ڈیٹا حاصل کرے۔اجلاس میں ایڈیشنل ڈپٹی کمشنر، جنرل منیجر ڈی آئی سی، چیف پلاننگ آفیسر، ڈپٹی ڈائریکٹر ایمپلائمنٹ، اسسٹنٹ کمشنر ڈیو لپمنٹ ڈی ایس ای او اور دیگر افسران نے شرکت کی۔
