عظمیٰ نیوز سروس
سرینگر// جموں و کشمیر کے لیفٹیننٹ گورنر منوج سنہا نے جمعہ کو مبارک گل کو مرکزی زیر انتظام علاقہ کی قانون ساز اسمبلی کا عبوری سپیکر مقرر کیا۔ایل جی کی طرف سے جاری کردہ حکم، مبارک گل کو اختیار دیتا ہے کہ وہ 21 اکتوبر 2024 کو سرینگر میں قانون ساز اسمبلی میں دوپہر 2:00 بجے جموں و کشمیر کے لیے قانون ساز اسمبلی کے نو منتخب اراکین کو حلف یا توثیق دلائیں۔حکم نامے کے مطابق، گل مستقل سپیکر کے انتخاب تک سپیکر کی ذمہ داریاں بھی سنبھالیں گے۔یہ تقرری جموں و کشمیر ری آرگنائزیشن ایکٹ 2019 کے سیکشن 24 کے تحت قائم آئینی فریم ورک کے حصے کے طور پر کی گئی ہے۔ مبارک گل این سی کی پچھلی حکومت میں سپیکر رہے ہیں۔انہوں نے حال ہی میں ہونے والے اسمبلی انتخابات میں اپنی عیدگاہ سیٹ جیتی ہے۔
