یو این آئی
واشنگٹن// امریکی صدر جو بائیڈن نے غزہ جنگ بندی اور مغویوں کی بحفاظت واپسی کے لیے نیتن یاہو کی کوششوں کو ناکافی قرار دیدیا۔انہوں نے کہا کہ جنگ بندی معاہدے اور مغویوں کی بحفاظت واپسی کے لیے اسرائیلی وزیراعظم نیتن یاہو جو کوششیں کررہے ہیں وہ کافی نہیں ہیں۔خبر کے مطابق رواں ہفتے نیا جنگ بندی معاہدہ پیش کرنے کے سوال پر امریکی صدر نے کہا کہ ہم اس کے بہت قریب ہیں۔غیر ملکی میڈیا کے مطابق امریکی صدر اس ہفتے اسرائیل اور حماس کو چھوڑ کر اپنے دیگر فریقین سے مشاورت کے بعد ایک حتمی اور آخری جنگ بندی معاہدہ تجویز کریں گے جس کے لیے تاحال مشاورت جاری ہے ۔ بائیڈن نے کہا ہے کہ غزہ کی پٹی میں جنگ بندی کے معاہدے پر پہنچنے کے لیے بات چیت ابھی جاری ہے ۔صدر بائیڈن نے کہاکہ غزہ میں جنگ بندی کے معاہدے اور قیدیوں کی رہائی کے بارے میں “ہم ابھی بھی بات چیت کررہے ہیں”۔بائیڈن نے اسرائیلی وزیر اعظم بنجمن نیتن یاہو سے غزہ اور مصر کے درمیان فلاڈیلفیا (صلاح الدین) محور میں اسرائیلی فوج کی موجودگی سے متعلق پوچھے گئے ‘العربیہ’ اور ‘الحدث’ ایک سوال کے جواب میں کہا کہ “میں نیتن یاہو کے ساتھ بات چیت نہیں کر رہا ہوں، لیکن میری ٹیم مصر اور قطر کے ساتھ بات چیت کر رہی ہے ۔
