ایجنسیز
نئی دہلی// وزیراعظم نریندر مودی کا طیارہ پولینڈ سے بھارت واپسی کے سفر کے دوران پاکستان کی فضائی حدود سے گزرا۔دی نیوز ڈاٹ کام ڈاٹ پی کے مطابق سول ایوی ایشن اتھارٹی(سی اے اے) ذرائع نے بتایا کہ پی ایم مودی کا طیارہ صبح 10 بج کر 15 منٹ پر پاکستانی فضائی حدود میں داخل ہوا اور تقریباً 46 منٹ تک وہاں رہا۔ طیارہ اسلام آباد اور لاہور کے ایئر کنٹرول زونز سے گزرنے سے پہلے چترال کے اوپر سے گزرا، آخر کار امرتسر کے راستے صبح 11:01 بجے بھارت میں داخل ہوا۔ پرواز کی اجازت بین الاقوامی شہری ہوا بازی کے معیاری آپریٹنگ طریقہ کار (SOPs) کے تحت دی گئی تھی۔ “بین الاقوامی قوانین یہ حکم دیتے ہیں کہ ایسے حالات میں، کوئی نو آبجیکشن سرٹیفکیٹ (این او سی)کی ضرورت نہیں ہے۔ متعلقہ ملک کے سی اے اے کو صرف پیشگی مطلع کرنے کی ضرورت ہے۔ وزیراعظم نریندر مودی تیسری مرتبہ بھارت کے وزیراعظم بننے کے بعد چار مرتبہ پاکستان کی فضائی حدود عبور کر چکے ہیں۔21 اگست کو مودی دہلی سے اپنے خصوصی انڈیا ون طیارے میں پولینڈ کے دارالحکومت وارسا جاتے ہوئے صبح 10 بجے 36,000 فٹ کی بلندی سے پاکستان کی فضائی حدود میں داخل ہوئے۔ ان کا طیارہ 48 منٹ تک پاکستان کی فضائی حدود میں رہا۔ وہ چترال سے افغان فضائی حدود میں داخل ہوا۔8 جولائی کو دہلی سے ماسکو جاتے ہوئے وزیراعظم کا طیارہ انڈیا ون 36 ہزار فٹ کی بلندی سے اڑ کر 11 بج کر 26 منٹ پر چترال کے قریب پاکستان کی فضائی حدود میں داخل ہوا۔ یہ رات 12 بج کر 10 منٹ پر افغانستان کی فضائی حدود میں داخل ہوا۔اسی طیارے نے ماسکو سے ویانا کے لیے اڑان بھری اور پھر زاہدان کے قریب ایران کے راستے 10 جولائی کی شام 4 بجکر 43 منٹ پر پاکستان کی فضائی حدود میں داخل ہوا۔ طیارے نے رحیم یار خان سے 37 ہزار فٹ کی بلندی پر اڑان بھری اور صبح 5 بجکر 54 منٹ پر بھارت میں داخل ہوا۔
