عظمیٰ مانیٹرنگ ڈیسک
اوٹاوا// کینیڈا کے شہر ٹورنٹو میں گزشتہ روز ہونے والی بارش نے پچھلے تمام ریکارڈ ٹوٹ دیے۔ ٹورنٹو میں ہونے والی بارش سے سڑکیں تالاب کا منظر پیش کرنے لگیں۔ مسلسل ہونے والی بارش نے سیلابی صورت اختیار کرلی۔سیلابی ریلہ رہائشی علاقوں میں داخل ہوگیا اور اپنے راستے میں انے والی ہر شے کو تہس نہس کرکے رکھ دیا۔ درخت جڑ سے اکھڑ گئے اور ہورڈنگز سڑکوں پر گر گئے۔ٹریفک کا نظام درہم برہم ہو کر رہ گیا۔ مرکزی شاہراوں ڈان ویلی پارک وے اور اونٹاریو ہائی وے 410 سیلاب کی وجہ سے بند ہیں جب کہ لاکھوں شہری بجلی سے محروم ہوگئے۔کینیڈا کے محکمہ موسمیات کی جانب سے جاری بیان میں کہا گیا ہے کہ ٹورنٹو میں 100 ملی میٹر بارش ہوئی جس سے 1941ء کا ریکارڈ ٹوٹ گیا۔بارشوں کے باعث پانی میں پھنسے 14 افراد کو بحفاظت نکال کر محفوظ مقام پر منتقل کردیا گیا۔ شہریوں کو بلاضرورت گھر سے باہر نہ نکلنے کی ہدایت کی گئی ہے۔ادھر/امریکی ماہرین موسمیات نے خدشہ ظاہر کیاہے کہ سال 2080 تک دنیا کے 4 ہزارسے زائد شہروں میں درجہ حرارت پانچ سے چھ ڈگری تک بڑھ سکتا ہے ، گرمی کی شدت سے متاثر ہونے والے مقامات میں پاکستان کے بھی کئی شہر شامل ہیں۔امریکہ کی میری لینڈ یونیورسٹی کے ماہرین کے مطابق ماحولیاتی تبدیلی کے باعث 2080 تک دنیا کے 4 ہزار 581 شہر کا درجہ حرارت پانچ سے چھ ڈگری تک بڑھ سکتا ہے ۔
