عظمیٰ ویب ڈیسک

سرینگر// جموں و کشمیر پولیس نے ہفتہ کو جنوبی کشمیر کے اننت ناگ ضلع میں ایک مخصوص طبقہ کے خلاف اشتعال انگیز زبان کے الزام میں دو مذہبی علما کے خلاف مقدمہ درج کیا ہے۔
پولیس ترجمان نے کہا کہ پولیس نے دو مذہبی علماءمشتاق احمد ویری اور عبدالرشید داودی کے خلاف ایک مخصوص طبقہ کو نشانہ بنانے کے لیے اشتعال انگیز زبان استعمال کرنے پر فیصلہ کن کاروائی کی ہے۔
پولیس ترجمان کے مطابق، علماءکی طرف سے کئے گئے تضحیک آمیز تبصرہ پر اننت ناگ پولیس میں شکایت درج کرائی گئی، جس نے فوری طور پر قانون کی متعلقہ دفعات کے تحت کارروائی شروع کی۔ مزید اشتعال انگیز تقریر کو روکنے کے لیے علماءکو پابند کیا گیا ہے۔
اننت ناگ پولیس فرقہ وارانہ ہم آہنگی کو برقرار رکھنے اور تمام شہریوں کی حفاظت کو یقینی بنانے کے لیے پرعزم ہے۔ انہوں نے کہا کہ ہم عوام سے اپیل کرتے ہیں کہ نفرت انگیز تقریر یا اشتعال انگیز زبان کے کسی بھی واقعے کی اطلاع فوری طور پر حکام کو دیں۔