غزہ/یو این آئی/ اسرائیلی فوج نے غزہ کی پٹی کے جنوب میں رفح شہر کے شمال مغرب میں اپنے زمینی قبضے کو وسعت دی ہے۔عینی شاہدین سے موصول ہونے والی معلومات کے مطابق اسرائیلی فوج نے میواسی کے علاقے پر کئی گھنٹوں تک توپوں سے حملہ کیا۔ جس سے اس علاقے میں مقیم بے گھر فلسطینیوں میں ہلاکتیں اور زخمی ہونے کی اطلاعات ہیں۔حملے جاری رہنے کے دوران، اسرائیلی فوجی گاڑیاں الشقوش کے علاقے اور ریجنل پارک کے جنوب میں پیش قدمی کرتی رہیں۔ جب علاقے میں موجود فلسطینیوں نے فوجی گاڑیوں کو دیکھا تو وہ اپنے خیمے چھوڑ کر خان یونس کی طرف بھاگنے لگے۔خان یونس اور رفح کے شہروں تک پھیلا ہوا المواسی کا علاقہ ان “محفوظ علاقوں” میں شامل تھا جہاں اسرائیلی فوج نے اس سے پہلے فلسطینیوں کو نقل مکانی کرنے پر مجبور کیا تھا۔بتایا گیا ہے کہ غزہ کی پٹی کے شمال میں ایک گھر پر اسرائیلی فوج کے حملے کے نتیجے میں 2 بچوں سمیت 4 شہری جاں بحق اور 10 افراد زخمی ہو گئے۔بتایا گیا ہے کہ غزہ شہر کے مشرق میں الشوعی محلے میں ہلاکتیں اور زخمی ہوئے ہیں جہاں اسرائیلی فوج 2 روز سے اپنے زمینی حملے جاری رکھے ہوئے ہے تاہم شہری دفاع کی ٹیمیں حملوں کی وجہ سے ان لوگوں تک نہیں پہنچ سکیں۔
اسرائیل کا رفح شہر پر حملوں کا سلسلہ جاری | 2 بچوں سمیت 4شہری لقمہ اجل ، 10 افراد زخمی
