عظمیٰ ویب ڈیسک

جموں// ضلع ریاسی میں مشتبہ ملی ٹینٹوں کے حملے کے بعد یاتریوں کو لے جانے والی بس گہری کھائی میں گرنے سے کم از کم 10 افراد ہلاک اور متعدد زخمی ہو گئے۔
سرکاری ذرائع نے بتایا کہ ریاسی ضلع کے تراٹھ کے کنڈا علاقے میں بس پر حملہ ہوا۔
ان کا کہنا تھا کہ مشتبہ ملی ٹینٹوں نے بس پر فائرنگ کی جس کے دوران ڈرائیور زخمی ہوگیا اور گاڑی پر سے کنٹرول کھو بیٹھا۔
اُنہوں نے مزید کہا کہ بس گہری کھائی میں جا گری جس کے نتیجے میں کم از کم 10 افراد موقع پر ہی ہلاک جبکہ متعدد زخمی ہو گئے۔ ان میں سے کچھ کو گولی لگنے کے زخم بھی آئے ہیں۔
یاتریوں کو لے کر بس کٹرہ سے ماتا ویشنو دیوی کے بیس کیمپ شیو کھوڑی مندر جا رہی تھی۔
اس دوران بڑے پیمانے پر ریسکیو آپریشن شروع کیا گیا اور سیکورٹی فورسز کی کمک بھی موقع پر پہنچ گئی۔