عظمیٰ نیوز سروس
جموں//ٹریفک پالیسی جموں سٹی نے 4 جون 2024 کو گورنمنٹ پولی ٹیکنک کالج فار بوائز بکرم چوک/ ایم اے ایم کالج جموں یونیورسٹی روڈ جموں اور گورنمنٹ خواتین میں جموں پارلیمانی حلقہ کے ووٹوں کی گنتی کے سلسلے میں ٹریفک ریگولیٹری ایڈوائزری جاری کی۔ڈیوٹی پر موجود اہلکاروں کے ساتھ ساتھ دیگر افراد کو اپنی گاڑیاں پارک کرنے میں سہولت فراہم کرنے کے علاوہ ان مراکز پر ٹریفک کے ہموار ضابطے کو یقینی بنانے کے لئے ان راستوں پر ٹریفک کی پابندیاں ہوں گی۔عوام الناس سے درخواست کی گئی ہے کہ وہ ٹریفک پولیس کے ساتھ تعاون کریں اور مذکورہ راستوں پر نقل و حرکت سے گریز کریں۔مقررہ تاریخ پر بکرم چوک سے ایشیا کراسنگ اور پی ایچ کیوروٹری سے بکرم چوک (ایم اے ایم کالج ٹیوب) تک معمول کی ٹریفک کی نقل و حرکت نہیں ہوگی۔شناختی کارڈ رکھنے والے صرف آ ر ائو ار اے آر ائوز ،مبصرین/علاقائی افسران/امیدواروں کی گاڑیوں کو اپنی گاڑیوں کے ساتھ کٹ آف پوائنٹس پر ان کے متعلقہ گنتی مراکز کی طرف جانے کی اجازت ہوگی جہاں وہ تعینات ہیں۔نروال/ریلوے اسٹیشن سے ڈوگرہ چوک کی طرف آنے والی گاڑیوں کو آگے کے سفر کے لئے بی آر امبیڈکر چوک سے ایشیا کراسنگ کی طرف موڑ دیا جائے گا۔نروال/ریلوے اسٹیشن جانے والی گاڑیاں اپنی منزل کے لئے گجر نگر پل کا استعمال کریں گی ۔گاندھی نگر/ شاستری نگر، تریکوٹہ نگر/ سانبہ- کٹھوعہ جانے والی گاڑیوں کو بکرم چوک سے فلائی اوور کے ذریعے موڑ دیا جائے گا۔ٹریفک سے متعلق کسی بھی مدد کیلئے ٹریفک کنٹرول یونٹ نے 0l9I -2459048، 94191-47732، 019l-2740550 پر رابطہ کیا جا سکتا ہے۔
