عظمیٰ ویب ڈیسک

سانبہ// ضلع سانبہ میں تجاوزات کے خلاف ایک بڑی مہم میں 20 ایکڑ سے زیادہ اہم اراضی واپس سے تجاوزات ہٹائے اور سماج دشمن عناصر کے ساتھ جھڑپوں میں کئی پولیس اہلکار زخمی ہو گئے ہیں ۔
سانبہ ایس ایس پی ونے شرما نے کہا کہ پولیس اور سول انتظامیہ کی مشترکہ مہم پیر کی شام بڑی برہمنہ علاقے میں بلول نالہ کے قریب شروع کی گئی تاکہ تجاوز شدہ اراضی کو واپس حاصل کیا جاسکے اور غیر قانونی منشیات کی سمگلنگ کا پردہ فاش کیا جاسکے۔
حکام نے بتایا کہ مہم کے دوران گجر برادری سے تعلق رکھنے والے کم از کم 40 کچے مکانات کو مسمار کیا گیا، جس میں مبینہ طور پر تجاوزات کرنے والوں اور قانون نافذ کرنے والے اداروں کے درمیان پرتشدد جھڑپیں ہوئیں۔
ضلع سانبہ میں کامیاب انسداد تجاوزات مہم کے بعد پولیس اور انتظامیہ کی ٹیم خالی کی گئی زمین کا معائنہ کر رہی ہے۔
اُنہوں نے کہا، “ہمیں اطلاع مل رہی ہے کہ آس پاس کے علاقے منشیات کا گڑھ بن رہے ہیں، اور تحقیقات کے دوران یہ بات سامنے آئی ہے کہ سڈکو کی زمین غیر قانونی تجاوزات کی زد میں ہے”۔
ایس ایس پی نے کہا کہ ایک حکمت عملی تیار کی گئی اور اس کے مطابق پولیس سول حکام کے ساتھ علاقے میں منتقل ہوئی۔
انہوں نے کہا کہ پولیس پارٹی پر سماج دشمن عناصر نے پتھروں اور تیز دھار ہتھیاروں سے حملہ کیا جس کے نتیجے میں کچھ اہلکار زخمی ہوئے۔ مزاحمت کے باوجود، پولیس نے علاقے کو خالی کرنے کے لیے آنسو گیس اور لاٹھی چارج کا استعمال کیا۔
افسر نے کہا کہ ایک مقدمہ درج کیا گیا ہے اور پولیس پارٹی پر حملہ کرنے والوں کی گرفتاری کے لیے مزید تفتیش جاری ہے۔
انہوں نے کہا کہ کامیاب مہم نے منشیات کے ہاٹ سپاٹ کا پردہ فاش کیا، جس سے منشیات کی ملی ٹینسی سے جڑے ملک دشمن عناصر کو دھچکا لگا۔
ایک صنعتکار نے اس مہم کا خیرمقدم کیا اور کہا کہ یہ اراضی اسٹیٹ انڈسٹریل ڈیولپمنٹ کارپوریشن (SIDCO) کی ہے لیکن کئی سالوں میں اسے تجاوزات کرنے والوں نے ‘ڈرگ ہاٹ سپاٹ’ میں تبدیل کر دیا ہے۔