عظمیٰ نیوز سروس
کشتواڑ//یوتھ سروسز اینڈ اسپورٹس ڈپارٹمنٹ کشتواڑ نے ٹی آر سی کشتواڑ میں گراؤنڈ مین کے لئے منعقدہ7 روزہ ریفریشر کورس کا کامیابی سے اختتام پذیر ہوا ۔ڈسٹرکٹ یوتھ سروسز اینڈ سپورٹس آفیسر جعفر ایچ شیخ کی زیر نگرانی منعقد ہونے والے کورس کے دوران ٹرینی سٹاف نے قابل تحسین نظم و ضبط اور مثالی رویے کا مظاہرہ کیا۔اس تقریب کو کشتواڑ اور ناگسینی کے زونل فزیکل ایجوکیشن آفیسرز، ٹرینرز اور عملے کے ممبران کے ساتھ موجود تھے۔اس ریفریشر کورس کا مقصد شرکاء کی مہارت اور علم کو بڑھانا ہے، اس بات کو یقینی بنانا کہ وہ اسکولوں اور کمیونٹیز میں معیاری جسمانی تعلیم فراہم کرنے کیلئے لیس ہوں۔ڈی وائی ایس ایس آفیسر نے تمام شرکاء کو دلی مبارکباد پیش کی اور انہیں علاقے میں کھیلوں اور جسمانی تعلیم کو فروغ دینے کے لئے اسی لگن کے ساتھ کام کرنے کی ترغیب دی۔کورس کے اختتام کو کیمپ فائر کے ذریعے نشان زد کیا گیا، جس میں شرکاء کے درمیان دوستی اور تعلقات کو فروغ دیا گیا جب وہ کھیلوں اور جسمانی سرگرمیوں کے ذریعے نوجوانوں کی ترقی کے لئے اپنے سفر کا آغاز کر رہے تھے۔
